Grealish líkast til á förum en elskar samt City „meira en allt“

Grealish hefur verið orðaður við félagaskipti aftur til Aston Villa, þar sem hann spilaði áður en hann fór til City, en einnig til Tottenham eða Everton.

Hann hefur ekkert tjáð sig um félagaskiptin en hann var festur á myndband á tónleikum Oasis í vikunni þar sem hann talaði hlýlega til Manchester City.

„Veistu hvað, ég elska City meira en allt. Og veistu hvað ég elska meira en allt? City stuðningsmenn. Bestu stuðningsmenn í heimi,“ sagði Grealish.

Grealish kom til Manchester City frá Aston Villa árið 2021 fyrir 100 milljónir punda sem var met á Bretlandi á þeim tíma.

Hann var mikilvægur fyrir liðið er það vann þrennuna tímabilið 2022-23, en kom minna við sögu á liðnu tímabili þar sem hann byrjaði aðeins tíu leiki.