Tónlist

Bein út­sending: Til­nefningar til Ís­lensku tón­listar­verð­launanna

Oddur Ævar Gunnarsson skrifar
Kári Egilsson var meðal handhafa verðlaunanna í fyrra og er hér ásamt þáverandi forseta Íslands Guðna Th. Jóhannessyni.
Kári Egilsson var meðal handhafa verðlaunanna í fyrra og er hér ásamt þáverandi forseta Íslands Guðna Th. Jóhannessyni.

Tilnefningar til Íslensku tónlistarverðlaunanna 2025 verða kunngjörðar á veitingahúsinu Jómfrúnni upp úr kl. 16.00 í dag. Þá kemur það í ljós hvaða verkefni, einstaklingar og hópar það eru sem hljóta tilnefningar til Íslensku tónlistarverðlaunanna fyrir hið gjöfula ár 2024. Tilnefnt er fyrir hljómplötur, lög, tónverk, flutning, söng, tónlistargrafík og -myndbönd, upptökustjórn og textasmíðar.

Íslensku tónlistarverðlaunin eru fagverðlaun þar sem dómnefndarakademía ræður til um tilnefningar og verðlaun inniheldur akademían á þriðja tug fólks sem fjallar og skrifar um tónlist, semur einnig tónlist og hefur af henni mikla unun. Störfum nefndanna er nánast lokið, einungis á eftir að velja handhafa verðlaunanna sjálfra sem afhent verða með pompi og prakt 12. mars í Silfurbergi Hörpu.

Djassgítarleikarinn Andrés Þór Gunnlaugsson mun leika ljúfa tóna í upphafi dagskrárinnar en hann hlaut Íslensku tónlistarverðlaunin í fyrra sem flytjandi ársins. Þess má geta að veitingahúsið Jómfrúin er einnig meðal verðlaunahafa frá í fyrra en verðlaunin hlaut staðurinn fyrir tónlistarviðburð ársins.

Loks kemur það í ljós hver það verður sem mun kynna Íslensku tónlistarverðlaunin í ár og verður sérlegur veislustjóri í Silfurbergi miðvikudagskvöldið 12. mars.

Íslensku tónlistarverðlaunin Tónlist


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.