Veikindin breyttu sýn Arnórs á lífið: „Þetta var algjör viðbjóður“ Aron Guðmundsson skrifar 5. desember 2024 08:01 Arnór Sigurðsson í leik með íslenska landsliðinu Vísir/Getty „Þetta var eiginlega algjör viðbjóður," segir atvinnumaðurinn í fótbolta, Arnór Sigurðsson sem nálgast endurkomu á völlinn eftir langvinn veikindi og meiðsli ofan á þau. Reynsla sem hefur skerpt sýn hans á það góða í lífinu. Óhætt er að segja að undanfarnir mánuðir hafi tekið á fyrir Skagamanninn sem hefur aðeins náð að koma við sögu í sjö leikjum með liði sínu Blackburn Rovers á Englandi. Þrálát veikindi sem stóðu yfir í rúma tvo mánuði settu strik í reikninginn. „Þetta hefur tekið mjög mikið á,“ segir Arnór í samtali við íþróttadeild. „Verið drulluerfitt. Byrjaði með þessum veikindum sem ég var alveg tvo og hálfan mánuð að jafna mig á. Þegar að það var svo orðið gott meiðist ég framan á læri. Svo þegar að ég var alveg að vera klár eftir það meiðist ég aftan í kálfa. Vægt til orða tekið er þetta búið að vera erfitt. Þetta hefur verið alvöru áskorun, líkamlega og andlega, en þetta er hluti af fótboltanum og ekkert annað í stöðunni en að setja hausinn niður.“ Arnór fór að finna fyrir einkennum veikindanna tveimur vikum fyrir landsleik Íslands og Tyrklands úti í Tyrklandi í upphafi september. „Þetta byrjaði þannig að ég missti matarlyst og gat ekki haldið neinum mat niðri. Þegar að ég borðaði ældi ég annað hvort matnum upp eða leið eins og ég þyrfti að æla honum upp. Það var staðan í um einn mánuð. Ég byrjaði á einhverjum lyfjum sem hjálpuðu mér ekki fyrst um sinn og svo kom að þeim tímapunkti að þetta var orðið það slæmt að ég var hættur að geta æft. Orkuleysið varð mikið því ég gat náttúrulega ekkert borðað. Ég fór í magaspeglun og þá fundust miklar bólgur í maganum. Sýra og bólgur. Þá loks fannst orsökin og þá hélt ég áfram á lyfjunum í einhvern mánuð til viðbótar, eða þar til þau fóru að virka. Þetta var eiginlega algjör viðbjóður. Þetta voru að ég held tveir erfiðustu mánuðir ferilsins. Ef ekki lífsins.“ Arnór Sigurðsson fagnar sigurmarki sínu gegn Oxford United. Sem er einn þeirra sjö leikja sem Arnór hefur komið við sögu í á tímabilinuGetty/Lee Parker Arnór vann sig upp úr veikindunum en var þá ekki sloppinn fyrir horn því hann átti eftir að lenda í tveimur vöðvameiðslum. „Þeir tengja þessi vöðvameiðsli við veikindin. Því þegar að þú ert vanur að borða og æfa eins og atvinnumaður á hverjum degi og allt í einu hættir því þá auðvitað bregst líkaminn við. Síðan þegar að maður kemst aftur í sína rútínu þá er líkaminn ekki á sama stað og þegar að þú hættir. Bæði þessi vöðvameiðsl tengja læknarnir við þessar bólgur í maganum, þessi veikindi.“ „Erfiðast var að takast á við þetta í byrjun þegar að mér leið svona illa. Ég kom heim eftir æfingar og það eina sem mig langaði til að gera var bara að fara sofa. Mér leið það illa. Það er hræðilegt. En ég á góða fjölskyldu og vini í kringum mig sem voru til staðar. Svo auðvitað þegar að ég kem til baka og er orðinn góður eftir veikindin togna ég framan á læri. Það var líka högg því að maður hélt að maður væri kominn til baka. Ég náði að spila tvo til þrjá leiki og var kominn í fínt stand og þá er maður aftur laminn niður á jörðina. Það tók á en tók þessa tvo til þrjá daga að koma hausnum aftur á réttan stað. Eftir þungt högg þýðir ekkert annað en að halda áfram sem og ég gerði. Síðustu æfinguna með styrktar þjálfurunum, áður en að ég átti að fara byrja æfa aftur með aðalliðinu, finn ég til aftan í kálfa og þá kemur í ljós væg tognun. Það var mjög erfitt líka því þá er maður aftur svo nálægt því að vera kominn til baka. Sérstaklega var það súrt að missa af landsliðsverkefnunum í október og nóvember.“ Arnór hefur verið fastamaður í íslenska landsliðshópnum undanfarin ár.Vísir/Hulda Margrét Hellings lærdómur Arnór er þakklátur fyrir fólkið í sínum innsta hring. „Ég er með besta fólkið í kringum mig. Fjölskyldu, vini og fólkið hér hjá Blackburn. Þau skilja að þetta er búið að vera þungt fyrir mig og gera því allt sem þau geta til að hjálpa mér. En á sama tíma þroskast maður svo mikið sem einstaklingur þegar að maður gengur í gegnum svona. Bæði sem fótboltamaður en einnig karakter. Þetta hefur verið hellings lærdómur þó þetta hafi verið erfitt. Maður mun horfa til baka einhvern daginn og sjá hvað maður lærði mikið af þessu. Það að kunna meta það að líða vel á hverjum degi, líða vel þegar að maður vaknar og líða vel þegar að maður fer að sofa. Ég mun aldrei aftur taka því sem sjálfsögðum hlut.“ Skagamaðurinn nálgast nú þann tímapunkt að geta snúið aftur á völlinn en hann vill flýta sér hægt. „Það er núna liðin rúm vika síðan að meiðslin í kálfanum áttu sér stað og það er reiknað með tveimur til þremur vikum í viðbót fyrir mig í endurhæfingu. Þetta þarf að gerast hægt og rólega þar sem að ég er núna búinn að meiðast tvisvar sinnum í röð. Það er betra að taka þá eina auka viku í að koma sér til baka heldur en að verða fyrir bakslagi.“ Enski boltinn Fótbolti Landslið karla í fótbolta Íslendingar erlendis Mest lesið Davíð hættur: „Dreginn á asnaeyrunum“ Körfubolti Skömmuðust sín fyrir tap gegn Fjallinu: „Hann var ekki svona stór þá“ Körfubolti Mynd af ellefu ára leikmanni Real vekur athygli Körfubolti Fannst skilaboðin frá dómaranefnd galin Körfubolti Gekk ósátt af fundi KSÍ: „Hefði viljað að útkoman væri önnur“ Fótbolti „Ekkert eðlilegt að hlaupa ósofin í allan þennan tíma“ Sport Sjáðu vítið sem gerði Blika æfa: „Ótrúlegt að enginn af dómurunum sjái þetta“ Íslenski boltinn Kveðst skilja vel hvers vegna Guðmundur var rekinn Handbolti Forráðamenn KKÍ neita að tjá sig um dómaramálin Körfubolti Rauðu djöflarnir geta ekki nýtt færin Enski boltinn Fleiri fréttir Madueke frá í tvo mánuði Rauðu djöflarnir geta ekki nýtt færin Rooney segir tölvuspil hafa hjálpað Man Utd á sínum tíma Segir Man. City hafa verið beitt ósanngirni fyrir stórleikinn Fóru yfir breytta nálgun Guardiola: „Þetta var 7-3-0 á tímabili“ Aldrei verið minna með boltann í sex hundruð leikjum Haaland sýndi morðhótun eftir að hafa náð Solskjær Braut lítt notaða reglu: „Þetta er mjög áhugavert“ Sjáðu allt helsta úr stórleiknum og fimmtu umferð Arteta fyrstur í fimm deildarleiki í röð án taps gegn Guardiola Göfuglyndur Guardiola: „Heilt yfir var Arsenal betri aðilinn“ Vildi vinna sem og byrja leikinn Stórmeistarajafntefli í Lundúnum Hvort liðið ætlar að halda í við Liverpool? Elskar að spila fyrir Moyes sem hefur endurvakið feril hans „Hugmyndin var að verjast með fimm menn“ Fyrrverandi þjálfari Liverpool látinn „Auðvelt að gleðja stuðningsfólk okkar“ Gagnrýndi leikjaálagið eftir sigurinn gegn Everton Úlfarnir stigalausir í botnsætinu | Palace í Meistaradeildarsæti Amorim lifir þökk sé rauða spjaldi Sánchez Sjálfsmark bjargaði jafntefli í hús fyrir Tottenham Liverpool með fullt hús stiga Framlengir um fimm ár og snýr aftur á morgun Lítil hvíld hjá Man. City | Við ætlum í fjallgöngu Man. Utd fær tvo til baka: Amorim grínaðist með fundinn með Ratcliffe Gylfi skoraði í eina sigri Everton á Anfield á þessari öld Segir að United hafi keypt rangan markvörð: „Aldrei heyrt um hann“ Óttast að Amorim verði rekinn ef illa fer gegn Chelsea Potter undir mikilli pressu Sjá meira
Óhætt er að segja að undanfarnir mánuðir hafi tekið á fyrir Skagamanninn sem hefur aðeins náð að koma við sögu í sjö leikjum með liði sínu Blackburn Rovers á Englandi. Þrálát veikindi sem stóðu yfir í rúma tvo mánuði settu strik í reikninginn. „Þetta hefur tekið mjög mikið á,“ segir Arnór í samtali við íþróttadeild. „Verið drulluerfitt. Byrjaði með þessum veikindum sem ég var alveg tvo og hálfan mánuð að jafna mig á. Þegar að það var svo orðið gott meiðist ég framan á læri. Svo þegar að ég var alveg að vera klár eftir það meiðist ég aftan í kálfa. Vægt til orða tekið er þetta búið að vera erfitt. Þetta hefur verið alvöru áskorun, líkamlega og andlega, en þetta er hluti af fótboltanum og ekkert annað í stöðunni en að setja hausinn niður.“ Arnór fór að finna fyrir einkennum veikindanna tveimur vikum fyrir landsleik Íslands og Tyrklands úti í Tyrklandi í upphafi september. „Þetta byrjaði þannig að ég missti matarlyst og gat ekki haldið neinum mat niðri. Þegar að ég borðaði ældi ég annað hvort matnum upp eða leið eins og ég þyrfti að æla honum upp. Það var staðan í um einn mánuð. Ég byrjaði á einhverjum lyfjum sem hjálpuðu mér ekki fyrst um sinn og svo kom að þeim tímapunkti að þetta var orðið það slæmt að ég var hættur að geta æft. Orkuleysið varð mikið því ég gat náttúrulega ekkert borðað. Ég fór í magaspeglun og þá fundust miklar bólgur í maganum. Sýra og bólgur. Þá loks fannst orsökin og þá hélt ég áfram á lyfjunum í einhvern mánuð til viðbótar, eða þar til þau fóru að virka. Þetta var eiginlega algjör viðbjóður. Þetta voru að ég held tveir erfiðustu mánuðir ferilsins. Ef ekki lífsins.“ Arnór Sigurðsson fagnar sigurmarki sínu gegn Oxford United. Sem er einn þeirra sjö leikja sem Arnór hefur komið við sögu í á tímabilinuGetty/Lee Parker Arnór vann sig upp úr veikindunum en var þá ekki sloppinn fyrir horn því hann átti eftir að lenda í tveimur vöðvameiðslum. „Þeir tengja þessi vöðvameiðsli við veikindin. Því þegar að þú ert vanur að borða og æfa eins og atvinnumaður á hverjum degi og allt í einu hættir því þá auðvitað bregst líkaminn við. Síðan þegar að maður kemst aftur í sína rútínu þá er líkaminn ekki á sama stað og þegar að þú hættir. Bæði þessi vöðvameiðsl tengja læknarnir við þessar bólgur í maganum, þessi veikindi.“ „Erfiðast var að takast á við þetta í byrjun þegar að mér leið svona illa. Ég kom heim eftir æfingar og það eina sem mig langaði til að gera var bara að fara sofa. Mér leið það illa. Það er hræðilegt. En ég á góða fjölskyldu og vini í kringum mig sem voru til staðar. Svo auðvitað þegar að ég kem til baka og er orðinn góður eftir veikindin togna ég framan á læri. Það var líka högg því að maður hélt að maður væri kominn til baka. Ég náði að spila tvo til þrjá leiki og var kominn í fínt stand og þá er maður aftur laminn niður á jörðina. Það tók á en tók þessa tvo til þrjá daga að koma hausnum aftur á réttan stað. Eftir þungt högg þýðir ekkert annað en að halda áfram sem og ég gerði. Síðustu æfinguna með styrktar þjálfurunum, áður en að ég átti að fara byrja æfa aftur með aðalliðinu, finn ég til aftan í kálfa og þá kemur í ljós væg tognun. Það var mjög erfitt líka því þá er maður aftur svo nálægt því að vera kominn til baka. Sérstaklega var það súrt að missa af landsliðsverkefnunum í október og nóvember.“ Arnór hefur verið fastamaður í íslenska landsliðshópnum undanfarin ár.Vísir/Hulda Margrét Hellings lærdómur Arnór er þakklátur fyrir fólkið í sínum innsta hring. „Ég er með besta fólkið í kringum mig. Fjölskyldu, vini og fólkið hér hjá Blackburn. Þau skilja að þetta er búið að vera þungt fyrir mig og gera því allt sem þau geta til að hjálpa mér. En á sama tíma þroskast maður svo mikið sem einstaklingur þegar að maður gengur í gegnum svona. Bæði sem fótboltamaður en einnig karakter. Þetta hefur verið hellings lærdómur þó þetta hafi verið erfitt. Maður mun horfa til baka einhvern daginn og sjá hvað maður lærði mikið af þessu. Það að kunna meta það að líða vel á hverjum degi, líða vel þegar að maður vaknar og líða vel þegar að maður fer að sofa. Ég mun aldrei aftur taka því sem sjálfsögðum hlut.“ Skagamaðurinn nálgast nú þann tímapunkt að geta snúið aftur á völlinn en hann vill flýta sér hægt. „Það er núna liðin rúm vika síðan að meiðslin í kálfanum áttu sér stað og það er reiknað með tveimur til þremur vikum í viðbót fyrir mig í endurhæfingu. Þetta þarf að gerast hægt og rólega þar sem að ég er núna búinn að meiðast tvisvar sinnum í röð. Það er betra að taka þá eina auka viku í að koma sér til baka heldur en að verða fyrir bakslagi.“
Enski boltinn Fótbolti Landslið karla í fótbolta Íslendingar erlendis Mest lesið Davíð hættur: „Dreginn á asnaeyrunum“ Körfubolti Skömmuðust sín fyrir tap gegn Fjallinu: „Hann var ekki svona stór þá“ Körfubolti Mynd af ellefu ára leikmanni Real vekur athygli Körfubolti Fannst skilaboðin frá dómaranefnd galin Körfubolti Gekk ósátt af fundi KSÍ: „Hefði viljað að útkoman væri önnur“ Fótbolti „Ekkert eðlilegt að hlaupa ósofin í allan þennan tíma“ Sport Sjáðu vítið sem gerði Blika æfa: „Ótrúlegt að enginn af dómurunum sjái þetta“ Íslenski boltinn Kveðst skilja vel hvers vegna Guðmundur var rekinn Handbolti Forráðamenn KKÍ neita að tjá sig um dómaramálin Körfubolti Rauðu djöflarnir geta ekki nýtt færin Enski boltinn Fleiri fréttir Madueke frá í tvo mánuði Rauðu djöflarnir geta ekki nýtt færin Rooney segir tölvuspil hafa hjálpað Man Utd á sínum tíma Segir Man. City hafa verið beitt ósanngirni fyrir stórleikinn Fóru yfir breytta nálgun Guardiola: „Þetta var 7-3-0 á tímabili“ Aldrei verið minna með boltann í sex hundruð leikjum Haaland sýndi morðhótun eftir að hafa náð Solskjær Braut lítt notaða reglu: „Þetta er mjög áhugavert“ Sjáðu allt helsta úr stórleiknum og fimmtu umferð Arteta fyrstur í fimm deildarleiki í röð án taps gegn Guardiola Göfuglyndur Guardiola: „Heilt yfir var Arsenal betri aðilinn“ Vildi vinna sem og byrja leikinn Stórmeistarajafntefli í Lundúnum Hvort liðið ætlar að halda í við Liverpool? Elskar að spila fyrir Moyes sem hefur endurvakið feril hans „Hugmyndin var að verjast með fimm menn“ Fyrrverandi þjálfari Liverpool látinn „Auðvelt að gleðja stuðningsfólk okkar“ Gagnrýndi leikjaálagið eftir sigurinn gegn Everton Úlfarnir stigalausir í botnsætinu | Palace í Meistaradeildarsæti Amorim lifir þökk sé rauða spjaldi Sánchez Sjálfsmark bjargaði jafntefli í hús fyrir Tottenham Liverpool með fullt hús stiga Framlengir um fimm ár og snýr aftur á morgun Lítil hvíld hjá Man. City | Við ætlum í fjallgöngu Man. Utd fær tvo til baka: Amorim grínaðist með fundinn með Ratcliffe Gylfi skoraði í eina sigri Everton á Anfield á þessari öld Segir að United hafi keypt rangan markvörð: „Aldrei heyrt um hann“ Óttast að Amorim verði rekinn ef illa fer gegn Chelsea Potter undir mikilli pressu Sjá meira