Sveitarstjórn Múlaþings ekki á móti þjóðsöngnum Kristinn Haukur Guðnason skrifar 23. maí 2023 12:09 Berglind Harpa segir þjóðsönginn fallegan og hátíðlegan en tillagan hafi ekki átt neitt erindi inn í umræðu um styrkbeiðni. Sveitarstjórn Múlaþings er ekki á móti því að þjóðsöngurinn sé sunginn á 17. júní að sögn Berglindar Hörpu Svavarsdóttur, formanns byggðarráðs. Tillaga um að söngurinn yrði fluttur hafi hins vegar ekki átt neitt erindi inn í umræðu um fjárveitingar. Bókun byggðarráðs Múlaþings í síðustu viku hefur vakið talsverða athygli. En þar hafnaði meirihlutinn tillögu Þrastar Jónssonar, fulltrúa Miðflokksins, um að þjóðsöngurinn, lofsöngurinn Ó, guð vors lands, yrði sunginn að minnsta kosti einu sinni á hátíðarhöldunum á Egilsstöðum. Helst við inngöngu fjallkonunnar. Tillagan var breytingartillaga við afgreiðslu styrkbeiðni íþróttafélagsins Hattar, sem sér um dagskránna. Þrír fulltrúar kusu gegn tillögunni en tveir sátu hjá. Berglind Harpa segir að þessi tillaga hafi ekki átt neitt erindi inn í þessa umræðu, þar sem verið var að leiðrétta fjárveitingar til hátíðarhaldanna vegna verðhækkana. Þröstur segir að hugsanlega þyki þjóðsöngurinn púkó vegna guðstengingar í textanum.Miðflokkurinn „Við erum ekki með upplýsingar um hvernig dagskráin fer fram. Þegar engin gögn liggja fyrir og engin umræða hefur farið fram erum við ekkert að bóka sérstaklega um það,“ segir Berglind. „Það er ekkert mál að koma með vinsamleg tilmæli án þess að það þurfi að liggja bókun fyrir tengd við aukafjárveitingu.“ Þjóðsöngurinn púkó Í viðtali við Morgunblaðið segir Þröstur að hann hafi sett tillöguna fram vegna þess að þjóðsöngurinn hafi ekki verið sunginn á hátíðinni í fyrrasumar. Þetta hafi átt að vera vargnagli sem ætti ekki að skaða nokkurn mann. Enn fremur sagði Þröstur að það virtist orðið eitthvað „púkó“ að syngja þjóðsönginn vegna þess að guð sé nefndur í textanum. Ef þjóðsöngurinn væri ekki við hæfi á þjóðhátíðardaginn sjálfan, hvenær þá? Hneykslan fyrrverandi ráðherra Auk margra annarra hafa að minnsta kosti tveir fyrrverandi ráðherrar lagt orð í belg vegna málsins. Annars vegar er það heimamaðurinn og Framsóknarmaðurinn Jón Kristjánsson, fyrrverandi heilbrigðis og félagsmálaráðherra. Á samfélagsmiðlum segist Jón hissa á því að tillagan hafi verið felld. Heimamaðurinn Jón Kristjánsson kann vel að meta þjóðsönginn og hefur aldrei viljað skipta honum út fyrir annað lag.Alþingi „Þjóðsöngurinn og þjóðfáninn eru tengd þjóðhátíðardeginum böndum sem ég hélt að væru órjúfanleg,“ segir hann. „Það var stundum nefnt við mig þegar ég var á Alþingi að það yrði að skipta um þjóðsöng, en ég sagðist aldrei styðja það. Það er ekki langt síðan landskunnur tónlistarmaður sagði í mín eyru í heita pottinum í Vesturbæjarlauginni að þjóðsöngurinn væri glæsilegt tónverk, en menn hefðu tilhneigingu til þess að syngja hann í of hárri tóntegund. Ég trúi því ekki að upphafið, að nefna guð geti fælt menn svo frá að það þurfi að hætta að flytja þetta hátíðlega tónverk. Kannski er maður að verða gamall, en mér finnst hátíðleiki ekki vera úreltur.“ Hins vegar er það Björn Bjarnason, fyrrverandi menntamála og dómsmálaráðherra, og samflokksmaður Berglindar Hörpu í Sjálfstæðisflokknum. Á síðu sinni bjorn.is segir hann að frétt Morgunblaðsins um þjóðsöngsmálið hafi gert hann orðlausan. Björn Bjarnason segist orðlaus yfir fréttunum.Friðrik Þór „Eitt er að syngja ekki þjóðsönginn 17. júní vegna getu- eða áhugaleysis, annað að samþykkja í byggðarráði að gera það alls ekki,“ segir Björn. Fallegur og hátíðlegur Berglind Harpa segir að hvorki hún né byggðarráð sé á móti því að þjóðsöngurinn verði sunginn á hátíðarhöldunum á Egilsstöðum. Bendir hún á að í Múlaþingi séu fjórir byggðakjarnar og hún sé ekki inni í dagskránni á hverjum stað. Aðspurð um hvort einhverjir hafi orðið skúffaðir yfir því að þjóðsöngurinn hafi ekki verið sunginn í fyrrasumar segist hún ekki hafa heyrt af því. Sjálf hafi hún ekki verið viðstödd hátíðarhöldin á Egilsstöðum í fyrra og verði það ekki í ár heldur. „Auðvitað er hátíðlegt að syngja þjóðsönginn og um að gera það sem víðast á 17. júní, ekki spurning,“ segir Berglind Harpa. „Hann er fallegur og hátíðlegur.“ Múlaþing Tónlist 17. júní Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Hættur við að styðja Höllu Hrund Innlent Segir upp hjá RÚV og snýr sér að pólitík Innlent „Ég held að Landskjörstjórn þurfi að endurskoða sína lögfræðiþekkingu“ Innlent Forsetavaktin 2024: Hver verður sjöundi forseti lýðveldisins? Innlent Dramatík þegar tveimur var tilkynnt um ólögleg framboð Innlent Viktor og Kári heltast úr lestinni Innlent Guðrún á Glitstöðum segir vaðið yfir vilja almennings Innlent Halla Hrund fremst í nýrri könnun og Katrín dottin niður í þriðja sæti Innlent Helmingurinn af búslóðinni í ruslið Innlent Boða verkfallsaðgerðir á Keflavíkurflugvelli í maí Innlent Fleiri fréttir Spurningar til Baldurs minni á árið 1980 Veðmálaauglýsingar með stærstu stjörnum landsins „fá að grassera“ Utankjörfundaratkvæðagreiðsla hefst í síðasta lagi á fimmtudag Aðalsöngvari the Commitments stígur á svið í Háskólabíói Samningar við sjómenn til níu ára í höfn Vinstri græn aldrei með minna fylgi Þættirnir rími við margt í raunveruleikanum Ógild framboð, flug í lamasessi og draumaferð í Disney „Ég held að Landskjörstjórn þurfi að endurskoða sína lögfræðiþekkingu“ Hættur við að styðja Höllu Hrund Meðferðarstöðinni Vík lokað í sumar Boða verkfallsaðgerðir á Keflavíkurflugvelli í maí Kjörinn heiðursmeðlimur í bandarísku lista- og vísindaakademíuna Guðrún á Glitstöðum segir vaðið yfir vilja almennings Helmingurinn af búslóðinni í ruslið Fyrstu tilnefningar til Vigdísarverðlauna Evrópuráðsþingsins kynntar á Alþingi Segir upp hjá RÚV og snýr sér að pólitík Ellefu verða í framboði til embættis forseta Íslands Landlæknir fer með ákvörðun Persónuverndar fyrir dóm Stór hópur fanga sem ekki treystir stofnunum Viktor og Kári heltast úr lestinni Ástand hinnar látnu bar þess merki að henni hefði verið ráðinn bani Dramatík þegar tveimur var tilkynnt um ólögleg framboð Best ef forseti hefur ekki verið í stjórnmálastarfi Ráðherra kynnir nýtt mælaborð farsældar barna Skjálfti við Bláfjöll í morgun og óbreytt við Sundhnúk Ætlaði að ganga frá álverinu og upp á Keflavíkurflugvöll Halla Hrund fremst í nýrri könnun og Katrín dottin niður í þriðja sæti Vopnuð rán tíðari en fólk gerir sér grein fyrir Óttast að saga slökkviliða á Íslandi glatist Sjá meira
Bókun byggðarráðs Múlaþings í síðustu viku hefur vakið talsverða athygli. En þar hafnaði meirihlutinn tillögu Þrastar Jónssonar, fulltrúa Miðflokksins, um að þjóðsöngurinn, lofsöngurinn Ó, guð vors lands, yrði sunginn að minnsta kosti einu sinni á hátíðarhöldunum á Egilsstöðum. Helst við inngöngu fjallkonunnar. Tillagan var breytingartillaga við afgreiðslu styrkbeiðni íþróttafélagsins Hattar, sem sér um dagskránna. Þrír fulltrúar kusu gegn tillögunni en tveir sátu hjá. Berglind Harpa segir að þessi tillaga hafi ekki átt neitt erindi inn í þessa umræðu, þar sem verið var að leiðrétta fjárveitingar til hátíðarhaldanna vegna verðhækkana. Þröstur segir að hugsanlega þyki þjóðsöngurinn púkó vegna guðstengingar í textanum.Miðflokkurinn „Við erum ekki með upplýsingar um hvernig dagskráin fer fram. Þegar engin gögn liggja fyrir og engin umræða hefur farið fram erum við ekkert að bóka sérstaklega um það,“ segir Berglind. „Það er ekkert mál að koma með vinsamleg tilmæli án þess að það þurfi að liggja bókun fyrir tengd við aukafjárveitingu.“ Þjóðsöngurinn púkó Í viðtali við Morgunblaðið segir Þröstur að hann hafi sett tillöguna fram vegna þess að þjóðsöngurinn hafi ekki verið sunginn á hátíðinni í fyrrasumar. Þetta hafi átt að vera vargnagli sem ætti ekki að skaða nokkurn mann. Enn fremur sagði Þröstur að það virtist orðið eitthvað „púkó“ að syngja þjóðsönginn vegna þess að guð sé nefndur í textanum. Ef þjóðsöngurinn væri ekki við hæfi á þjóðhátíðardaginn sjálfan, hvenær þá? Hneykslan fyrrverandi ráðherra Auk margra annarra hafa að minnsta kosti tveir fyrrverandi ráðherrar lagt orð í belg vegna málsins. Annars vegar er það heimamaðurinn og Framsóknarmaðurinn Jón Kristjánsson, fyrrverandi heilbrigðis og félagsmálaráðherra. Á samfélagsmiðlum segist Jón hissa á því að tillagan hafi verið felld. Heimamaðurinn Jón Kristjánsson kann vel að meta þjóðsönginn og hefur aldrei viljað skipta honum út fyrir annað lag.Alþingi „Þjóðsöngurinn og þjóðfáninn eru tengd þjóðhátíðardeginum böndum sem ég hélt að væru órjúfanleg,“ segir hann. „Það var stundum nefnt við mig þegar ég var á Alþingi að það yrði að skipta um þjóðsöng, en ég sagðist aldrei styðja það. Það er ekki langt síðan landskunnur tónlistarmaður sagði í mín eyru í heita pottinum í Vesturbæjarlauginni að þjóðsöngurinn væri glæsilegt tónverk, en menn hefðu tilhneigingu til þess að syngja hann í of hárri tóntegund. Ég trúi því ekki að upphafið, að nefna guð geti fælt menn svo frá að það þurfi að hætta að flytja þetta hátíðlega tónverk. Kannski er maður að verða gamall, en mér finnst hátíðleiki ekki vera úreltur.“ Hins vegar er það Björn Bjarnason, fyrrverandi menntamála og dómsmálaráðherra, og samflokksmaður Berglindar Hörpu í Sjálfstæðisflokknum. Á síðu sinni bjorn.is segir hann að frétt Morgunblaðsins um þjóðsöngsmálið hafi gert hann orðlausan. Björn Bjarnason segist orðlaus yfir fréttunum.Friðrik Þór „Eitt er að syngja ekki þjóðsönginn 17. júní vegna getu- eða áhugaleysis, annað að samþykkja í byggðarráði að gera það alls ekki,“ segir Björn. Fallegur og hátíðlegur Berglind Harpa segir að hvorki hún né byggðarráð sé á móti því að þjóðsöngurinn verði sunginn á hátíðarhöldunum á Egilsstöðum. Bendir hún á að í Múlaþingi séu fjórir byggðakjarnar og hún sé ekki inni í dagskránni á hverjum stað. Aðspurð um hvort einhverjir hafi orðið skúffaðir yfir því að þjóðsöngurinn hafi ekki verið sunginn í fyrrasumar segist hún ekki hafa heyrt af því. Sjálf hafi hún ekki verið viðstödd hátíðarhöldin á Egilsstöðum í fyrra og verði það ekki í ár heldur. „Auðvitað er hátíðlegt að syngja þjóðsönginn og um að gera það sem víðast á 17. júní, ekki spurning,“ segir Berglind Harpa. „Hann er fallegur og hátíðlegur.“
Múlaþing Tónlist 17. júní Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Hættur við að styðja Höllu Hrund Innlent Segir upp hjá RÚV og snýr sér að pólitík Innlent „Ég held að Landskjörstjórn þurfi að endurskoða sína lögfræðiþekkingu“ Innlent Forsetavaktin 2024: Hver verður sjöundi forseti lýðveldisins? Innlent Dramatík þegar tveimur var tilkynnt um ólögleg framboð Innlent Viktor og Kári heltast úr lestinni Innlent Guðrún á Glitstöðum segir vaðið yfir vilja almennings Innlent Halla Hrund fremst í nýrri könnun og Katrín dottin niður í þriðja sæti Innlent Helmingurinn af búslóðinni í ruslið Innlent Boða verkfallsaðgerðir á Keflavíkurflugvelli í maí Innlent Fleiri fréttir Spurningar til Baldurs minni á árið 1980 Veðmálaauglýsingar með stærstu stjörnum landsins „fá að grassera“ Utankjörfundaratkvæðagreiðsla hefst í síðasta lagi á fimmtudag Aðalsöngvari the Commitments stígur á svið í Háskólabíói Samningar við sjómenn til níu ára í höfn Vinstri græn aldrei með minna fylgi Þættirnir rími við margt í raunveruleikanum Ógild framboð, flug í lamasessi og draumaferð í Disney „Ég held að Landskjörstjórn þurfi að endurskoða sína lögfræðiþekkingu“ Hættur við að styðja Höllu Hrund Meðferðarstöðinni Vík lokað í sumar Boða verkfallsaðgerðir á Keflavíkurflugvelli í maí Kjörinn heiðursmeðlimur í bandarísku lista- og vísindaakademíuna Guðrún á Glitstöðum segir vaðið yfir vilja almennings Helmingurinn af búslóðinni í ruslið Fyrstu tilnefningar til Vigdísarverðlauna Evrópuráðsþingsins kynntar á Alþingi Segir upp hjá RÚV og snýr sér að pólitík Ellefu verða í framboði til embættis forseta Íslands Landlæknir fer með ákvörðun Persónuverndar fyrir dóm Stór hópur fanga sem ekki treystir stofnunum Viktor og Kári heltast úr lestinni Ástand hinnar látnu bar þess merki að henni hefði verið ráðinn bani Dramatík þegar tveimur var tilkynnt um ólögleg framboð Best ef forseti hefur ekki verið í stjórnmálastarfi Ráðherra kynnir nýtt mælaborð farsældar barna Skjálfti við Bláfjöll í morgun og óbreytt við Sundhnúk Ætlaði að ganga frá álverinu og upp á Keflavíkurflugvöll Halla Hrund fremst í nýrri könnun og Katrín dottin niður í þriðja sæti Vopnuð rán tíðari en fólk gerir sér grein fyrir Óttast að saga slökkviliða á Íslandi glatist Sjá meira