Veðurfræðingur Vegagerðarinnar varar við erfiðum akstursskilyrðum á austanverðu landinu í dag. Gul viðvörun er í gildi á Austfjörðum og Suðausturlandi fram á kvöld.
Daníel Þorláksson, veðurfræðingur Vegagerðarinnar, segir að hvöss norðanátt verði á Austfjörðum og snjókoma á Fagradal og Fjarðarheiði með blindu og erfiðum aktursskilyrðum. Upp úr hádegi muni draga úr ofankomu en þó verði áfram hvasst og hætt við lélegu skyggni í skafrenningi fram á nótt.
Í gulum aðvörunum Veðurstofu Íslands er varað við norðvestean hvassviðri eða storm. Vindhraði verði 15-25 metrar á svæðinu, hvassast sunnantil.
„Aðstæður geta verið varhugaverðar fyrir ökutæki sem taka á sig mikinn vind. Fólk er hvatt til að sýna aðgát.“
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
Fleiri fréttir
Sjá meira
