Tónlist

„Alltaf verið bendlaður við alvöru partý stemningu“

Dóra Júlía Agnarsdóttir skrifar
Tónlistar- og stemningsmaðurinn Ingi Bauer spilar á Þjóðhátíð.
Tónlistar- og stemningsmaðurinn Ingi Bauer spilar á Þjóðhátíð. Aðsend

Tónlistarmaðurinn og plötusnúðurinn Ingi Bauer er maðurinn á bak við lög á borð við Dicks og Upp til hópa. Hann hefur komið fram á hinum ýmsu hátíðum og spilað víðs vegar um landið en hann er meðal atriða á Þjóðhátíð í ár og segist alltaf hafa verið bendlaður við alvöru partý stemningu.

Þjóðhátíð 2022 fer fram með pompi og prakt í Heimaey í lok júlí í ár. Fjölbreytt flóra íslensks tónlistarfólks mun stíga á svið og skemmta gestum en hátíðin er nú haldin í fyrsta skipti frá árinu 2019. Lífið á Vísi tekur hér púlsinn á tónlistarfólkinu og fær nánari innsýn í atriðið þeirra á Þjóðhátíð.

Hvenær fórst þú fyrst á Þjóðhátíð?

Ég fór mjög seint í lífi mínu á Þjóðhátíð. Held það hafi verið fyrst 2017 þegar ég DJ-aði fyrir Áttuna og ég hef verið hooked síðan. Hef verið heppinn að fá að spila þar síðan þá.

Hvað finnst þér skemmtilegast við þessa hátíð?

Sem tónlistarmanni finnst mér magnað að næstum 20 þúsund manns komi saman eina helgi á ári á eyju til að hafa gaman saman og hlusta á tónlist, það er eitthvað svo fallegt við þetta.

Við hverju mega hátíðargestir búast þegar þú stígur á svið?

Ég hef alltaf verið bendlaður við alvöru partý stemningu svo ég mun keyra tempóið upp í hundrað þúsund. Ég hef einnig verið að vinna í að endurgera mörg klassísk íslensk barnalög yfir í alvöru teknó svo ég mun hundrað prósent spila allt það, það er eitthvað fyndið við að hlusta á Í Larí Lei í hörðu teknói.

Hvað er uppáhalds Þjóðhátíðarlagið þitt?

Ég verð að segja Á sama tíma, á sama stað með Frikka og Jóni. 

Ef ég set lagið í gang þá er heilinn á mér kominn í brekkuna og mér líður alltaf jafn vel, það er eitthvað svo kósý en samt tilfinninganæmt.

Hvernig ætlar þú að undirbúa þig fyrir stóru stundina?

Ég hef alltaf haft reglu hjá mér fyrir stór gigg að hringja í besta vin minn hann Pétur Jóhann og fá hann til að taka köttinn, það kemur mér alltaf í gott skap og hann er alltaf mjög til í það. 

Svo er ég líka að vinna með það að fara í appelsínubað og drekka M&M blandað kaffi, það er toppurinn!


Tengdar fréttir

Hjálpa þér að finna ástina á Þjóðhátíð með einum takka

Stefnumótaforritið Smitten ætlar að gleðja gesti Þjóðhátíðar með sérstökum Þjóðhátíðar fítus sem auðveldar einhleypum gestum hátíðarinnar að ná saman í dalnum. Hann verður aðgengilegur notendum forritsins sem eru staddir í Vestmannaeyjum frá fimmtudegi til mánudags.

„Ég man varla eftir tónleikunum sökum sjóriðu“

Birgitta Haukdal er ein ástsælasta söngkona okkar Íslendinga og þaulvön því að stíga á svið fyrir framan fjöldann allan af áhorfendum. Fyrir um það bil tuttugu árum síðan spilaði hún á sinni fyrstu Þjóðhátíð með hljómsveitinni Írafár en hún kemur fram í Herjólfsdal í ár, bæði ein og með hljómsveitinni. Blaðamaður tók púlsinn á Birgittu.

„Það er nú ekki flóknara en það“

Árni Páll Árnason, betur þekktur sem Herra Hnetusmjör, er með frægari tónlistarmönnum okkar Íslendinga og á marga smelli að baki sér. Ásamt því að vera atvinnu rappari mun hann sinna hlutverki dómara í Idolinu sem fer af stað á Stöð 2 í vetur. Herra Hnetusmjör kemur fram á Þjóðhátíð í ár og segir að hátíðargestir megi búast við skemmtun á heimsmælikvarða.

„Þegar við tókum síðan Í larí lei þá ætlaði allt um koll að keyra“

Hljómsveitin Stuðlabandið var að senda frá sér myndband frá Kótelettunni 2022 þar sem þeir taka lagið Í larí lei, sem Sigga Beinteins gerði ódauðlegt árið 1998 og er að finna á plötu hennar Flikk Flakk. Nú 24 árum síðar er lagið að ná nýjum hæðum og virtust tónleikagestir hæstánægðir með þetta lagaval Stuðlabandsins, þar sem allir sungu hátt og snjallt með.

„Hún kann að halda mér niðri á jörðinni ef hausinn fer á eitthvað flug“

Magnús Kjartan Eyjólfsson, forsöngvari og gítarleikari Stuðlabandsins, sér um brekkusönginn í ár. Hann stóð vaktina í síðasta brekkusöng þar sem engir áhorfendur voru í dalnum en söng sig inn í hjörtu margra landsmanna á skjánum heima. Blaðamaður tók púlsinn á Magnúsi Kjartani, sem fór á sína fyrstu Þjóðhátíð fyrir rúmum tveimur áratugum.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.