Tónlist

„Hún kann að halda mér niðri á jörðinni ef hausinn fer á eitthvað flug“

Dóra Júlía Agnarsdóttir skrifar
Magnús Kjartan ræddi við Blaðamann um Þjóðhátíð.
Magnús Kjartan ræddi við Blaðamann um Þjóðhátíð. Aðsend

Magnús Kjartan Eyjólfsson, forsöngvari og gítarleikari Stuðlabandsins, sér um brekkusönginn í ár. Hann stóð vaktina í síðasta brekkusöng þar sem engir áhorfendur voru í dalnum en söng sig inn í hjörtu margra landsmanna á skjánum heima. Blaðamaður tók púlsinn á Magnúsi Kjartani, sem fór á sína fyrstu Þjóðhátíð fyrir rúmum tveimur áratugum.

Þjóðhátíð 2022 fer fram með pompi og prakt í Heimaey í lok júlí í ár. Fjölbreytt flóra íslensks tónlistarfólks mun stíga á svið og skemmta gestum en hátíðin er nú haldin í fyrsta skipti frá árinu 2019. Lífið á Vísi tekur hér púlsinn á tónlistarfólkinu og fær nánari innsýn í atriðið þeirra á Þjóðhátíð.

Hvenær fórst þú fyrst á Þjóðhátíð?

Ég fór fyrst á Þjóðhátíð seint á síðustu öld, ‘99. Hátíðin var allt sem var búið að lýsa fyrir mér og svo miklu, miklu meira. Andrúmsloftið og stemningin er eitthvað sem er ekki hægt að lýsa nema að svo litlu leyti. 

Svo eru brekkublysin eitthvað sem fólk verður að upplifa allavega einu sinni á ævinni.

Hvað finnst þér skemmtilegast við þessa hátíð?

Eiginlega allt. Umhverfið, gestrisni Eyjamanna og bara almenn upplifun er eitthvað sem situr alltaf eftir í minningunni. Þegar ég svo fór að koma fram á þessari hátíð var það allt önnur upplifun. Þú kemst ekkert á stærra svið á Íslandi.

Við hverju mega hátíðargestir búast þegar þú stígur á svið?

Fólk má bara búast við skemmtilegri stund með vinum og vandamönnum með söng og gleði. 

Fólkið í brekkunni eru aðalflytjendurnir í brekkusöngnum.

Hvað er uppáhalds Þjóðhátíðarlagið þitt?

Úff, erfið spurning. Þar sem hjartað slær hefur haft vinningin upp á síðkastið en þau eru bara svo mörg. Ég verð líka að nefna Ég veit þú kemur og svo finnst mér nýja lagið, Eyjanótt með Klöru, alveg frábært.

Hvernig ætlar þú að undirbúa þig fyrir stóru stundina?

Ég hef svo sem enga sérstaka rútínu. En þegar maður er að fara í svona stórt gigg er þetta bara spurning um að halda réttu spennustigi. Mér þykir líklegt að ég verji bara sem mestum tíma með konunni minni, henni Sigríði minni. Hún kann að halda mér niðri á jörðinni ef hausinn fer á eitthvað flug.


Tengdar fréttir

„Svo ræski ég mig, set upp sólgleraugun og negli á svið“

Hljómsveitin Hipsumphaps gerði garðinn frægan með fyrsta laginu sínu Lífið sem mig langar í sem kom út árið 2019. Sveitin hefur síðan þá verið vinsæl víða um landið og spilað á ýmsum hátíðum. Blaðamaður tók púlsinn á Fannari Inga, söngvara sveitarinnar.

„Við bjuggum eitthvað til og nú kunna aðrir það“

Hljómsveitin FLOTT er skipuð fimm tónlistarkonum úr ólíkum áttum tónlistarheimsins, þeim Ragnhildi, Sylvíu, Sólrúnu Mjöll, Eyrúnu og Vigdísi. FLOTT hefur vakið athygli undanfarin misseri, voru sem dæmi með lag í Áramótaskaupinu og skrifuðu í vetur undir samning við Sony. Stelpurnar koma fram á Þjóðhátíð í ár en þetta er í fyrsta skipti sem þær sækja hátíðina.

Allir að verða tilbúnir fyrir sögulega Þjóðhátíð: „Þetta er svo töfrandi staður“

Mikil eftirvænting er í Eyjamönnum fyrir Þjóðhátíð þetta árið eftir vonbrigði síðustu tvö ár. Í annað sinn í sögunni er Þjóðhátíðarlagið samið og flutt af konu og í fyrsta sinn verða aðeins konur á sviðinu þar sem Kvennakór Vestmannaeyja verður með Klöru Elias að flytja lagið Eyjanótt. Fyrsta æfingin fór fram á dögunum og er óhætt að segja að einhverjir verði með gæsahúð eftir tvær vikur.

Halda orkustiginu í hæstu hæðum

Hljómsveitin Stuðlabandið er þaulvön að koma fram og halda uppi stemningu en Stuðlabandið hefur spilað á stærstu útihátíðum Íslands undanfarin ár.

Tekur lögin sem skapa mestu stemninguna

Tónlistarkonan Guðrún Árný hefur vakið athygli í íslenska tónlistarheiminum fyrir kraftmikla rödd sína. Hún er þaulvön að koma fram og syngja fyrir stóran hóp áhorfenda og hlakkar mikið til að syngja fyrir og með öllum Þjóðhátíðargestum í ár.

Spila í brúðkaupum þar sem brúðhjónin hafa kynnst á Tjarnarsviðinu undir tónum hljómsveitarinnar

Hljómsveitin Brimnes er þaulvön að koma fram og skemmta fólki en hún spilaði á sinni fyrstu Þjóðhátíð fyrir 19 árum síðan. Allir meðlimir sveitarinnar eru fæddir og uppaldir í Eyjum og segja ekkert í heiminum jafnast á við Þjóðhátíð. Þá er í sérstaklega miklu uppáhaldi hjá þeim að sjá fólk verða ástfangið þegar það dansar saman við þeirra tóna.

„Gleymdum vissulega öllu þegar við mættum á svið“

Hljómsveitin Sprite Zero Klan skaust upp á stjörnuhimininn árið 2017 með laginu Tíkin Mín. Þeir eiga að baki sér ófá öflug danslög og þar á meðal nokkur lög sem eru tileinkuð Þjóðhátíð en Sprite Zero Klan verður einmitt í dalnum í ár.






Fleiri fréttir

Sjá meira


×