Tónlist

„Íslenska sumarið á sér auðvitað engan líkan og það kristallast í þessari helgi einu sinni á ári“

Dóra Júlía Agnarsdóttir skrifar
Klara Elias og Halldór Gunnar flytja lagið Eyjanótt.
Klara Elias og Halldór Gunnar flytja lagið Eyjanótt. Hafþór Karlsson

Tónlistarkonan Klara Eliaskemur fram í dalnum í ár en hún ætlar að hafa atriði sitt í anda sannrar kvöldvöku, með kassagítarinn með sér og söguleg Nylon lög á kantinum.

Þjóðhátíð 2022 fer fram með pompi og prakt í Heimaey í lok júlí í ár. Fjölbreytt flóra íslensks tónlistarfólks mun stíga á svið og skemmta gestum en hátíðin er nú haldin í fyrsta skipti frá árinu 2019. Lífið á Vísi tekur hér púlsinn á tónlistarfólkinu og fær nánari innsýn í atriðið þeirra á Þjóðhátíð.

Hvenær fórst þú fyrst á Þjóðhátíð?

Ég fór fyrst á Þjóðhátíð sumarið sem ég varð tuttugu ára minnir mig. Vinkona mín hringdi í mig eldsnemma um morguninn og sagði að hún væri búin að redda okkur og annarri vinkonu plássi í flugvél og gistingu en við yrðum að fara strax. Svo ég var búin að pakka og komin út í bíl á leið til Eyja tuttugu mínútum síðar. 

Það rigndi á okkur allan tímann, ég átti ekki eina þura flík og við lentum í alls kyns ævintýrum en þetta var samt ein besta sumarhelgi sem ég hef átt.

Hvað finnst þér skemmtilegast við þessa hátíð?

Hvað það er eru margar skemmtilegar hefðir og hvað fólk er hamingjusamt. Það er alveg sérstök orka í Vestmannaeyjum og allir taka svo vel og fallega á móti manni. Íslenska sumarið á sér auðvitað engan líkan og það kristallast í þessari helgi einu sinni á ári.

Hafþór Karlsson

Við hverju mega hátíðargestir búast þegar þú stígur á svið?

Ég ætla að hafa þetta í anda sannrar kvöldvöku og verð með kassagítar með mér. 

Fyrir utan að læra Þjóðhátíðarlagið í ár og syngja með þá legg ég til að fólk dusti rykið af Nylon textunum fyrir brekkuna.

Hvað er uppáhalds Þjóðhátíðarlagið þitt?

Lífið er yndislegt. Fyrir utan að maður tengir það við sumarið og stemninguna í dalnum þá er það svo fallegt. Frábært lag!

Hvernig ætlar þú að undirbúa þig fyrir stóru stundina?

Láta mig hlakka til held ég bara. Reyna að ákveða tímanlega í hverju ég ætla að vera og svo tek ég því bara eins rólega og ég get þá daga sem ég er að koma fram. Tek mér tíma í að gera mig til. Passa taugarnar og röddina með því að og sofa og næra mig vel.


Tengdar fréttir

„Hún kann að halda mér niðri á jörðinni ef hausinn fer á eitthvað flug“

Magnús Kjartan Eyjólfsson, forsöngvari og gítarleikari Stuðlabandsins, sér um brekkusönginn í ár. Hann stóð vaktina í síðasta brekkusöng þar sem engir áhorfendur voru í dalnum en söng sig inn í hjörtu margra landsmanna á skjánum heima. Blaðamaður tók púlsinn á Magnúsi Kjartani, sem fór á sína fyrstu Þjóðhátíð fyrir rúmum tveimur áratugum.

„Svo ræski ég mig, set upp sólgleraugun og negli á svið“

Hljómsveitin Hipsumphaps gerði garðinn frægan með fyrsta laginu sínu Lífið sem mig langar í sem kom út árið 2019. Sveitin hefur síðan þá verið vinsæl víða um landið og spilað á ýmsum hátíðum. Blaðamaður tók púlsinn á Fannari Inga, söngvara sveitarinnar.

„Við bjuggum eitthvað til og nú kunna aðrir það“

Hljómsveitin FLOTT er skipuð fimm tónlistarkonum úr ólíkum áttum tónlistarheimsins, þeim Ragnhildi, Sylvíu, Sólrúnu Mjöll, Eyrúnu og Vigdísi. FLOTT hefur vakið athygli undanfarin misseri, voru sem dæmi með lag í Áramótaskaupinu og skrifuðu í vetur undir samning við Sony. Stelpurnar koma fram á Þjóðhátíð í ár en þetta er í fyrsta skipti sem þær sækja hátíðina.

Allir að verða tilbúnir fyrir sögulega Þjóðhátíð: „Þetta er svo töfrandi staður“

Mikil eftirvænting er í Eyjamönnum fyrir Þjóðhátíð þetta árið eftir vonbrigði síðustu tvö ár. Í annað sinn í sögunni er Þjóðhátíðarlagið samið og flutt af konu og í fyrsta sinn verða aðeins konur á sviðinu þar sem Kvennakór Vestmannaeyja verður með Klöru Elias að flytja lagið Eyjanótt. Fyrsta æfingin fór fram á dögunum og er óhætt að segja að einhverjir verði með gæsahúð eftir tvær vikur.

Klara í fyrsta sæti íslenska listans

Söngkonan Klara Elias situr í fyrsta sæti íslenska listans þessa vikuna með Þjóðhátíðarlagið Eyjanótt. Lagið kom út 7. júní síðastliðinn og hefur óðfluga hækkað sig upp listann að undanförnu.

Frumsýning á nýrri útgáfu af Lífið er yndislegt

Lífið á Vísi kynnir frumsýningu á glænýrri útgáfu af Lífið er yndislegt þar sem tónlistarfólkið Klara Elias og Hreimur syngja órafmagnaða útgáfu af þessu sögulega Þjóðhátíðarlagi.

Klara Elias er höfundur og flytjandi Þjóðhátíðarlagsins í ár

Höfundur og flytjandi Þjóðhátíðarlags Vestmannaeyja 2022 er Klara Elias söngkona og lagahöfundur. Aðeins einu sinni áður hefur hið opinbera þjóðhátíðarlag verið samið og flutt af konu og var það lagið og var það lagið Sjáumst þar eftir Röggu Gísla árið 2017.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.