Allt að 22 stiga hiti í dag

Eiður Þór Árnason skrifar 19. júní 2022 07:22

Hlýjast verður á Austurlandi í dag. Vísir/Arnar

Í dag er spáð suðvestanátt, átta til fimmtán metrum á sekúndu, hvassast norðvestanlands. Gert er ráð fyrir rigningu með köflum í flestum landshlutum. Byrjar fyrst að rigna vestantil fyrir hádegi en ekki fyrr en síðdegis austanlands. Hiti tíu til 22 stig, en hlýjast fyrir austan.

Að sögn veðurfræðings hjá Veðurstofunni snýst í norðlæga og hægari átt á morgun, yfirleitt þrjá til átta metra á sekúndu. Þá verði skýjað og dálitlar skúrir á víð og dreif. Það hvessi síðan með suðausturströndinni seinnipartinn og létti einnig til norðanlands um svipað leiti. Áfram verði svipaður hiti nema nú hlýjast á Suðausturlandi.

Veðurhorfur á landinu næstu daga

Á mánudag: Snýst í norðlæga átt 3-10 m/s. Skýjað og dálitlar skúrir á víð og dreif. Hiti 8 til 20 stig, hlýjast suðaustantil. Hvessir við suðausturströndina síðdegis og léttir til um norðanvert landið.

Á þriðjudag (sumarsólstöður): Suðvestlæg átt 5-13, hvassast vestanlands. Þykknar upp og fer að rigna eftir hádegi en þurrt að kalla austantil fram undir kvöld. Hiti 8 til 15 stig.

Á miðvikudag: Suðvestlæg átt 5-13 og lítilsháttar rigning í flestum landshlutum. Hiti breytist lítið.

Á fimmtudag: Suðaustlæg átt og lítilshattar væta en þurrt að mestu og bjart norðvestantil. Hiti 7 til 12 stig.

Á föstudag: Norðaustlæg átt, skýjað og dálítil úrkoma en bjart að mest suðvestanlands. Kólnar lítillega.

Á laugardag: Útlit fyrir norðaustlæga átt og rigningu í flestum landshlutum, þó lítilsháttar suðvestantil. Kólnar enn frekar.

Veður

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir