Innlent

Tíðinda að vænta á Akranesi á morgun

Hallgerður Kolbrún E. Jónsdóttir skrifar
Líf Lárusdóttir oddviti Sjálfstæðisflokksins á Akranesi segir að Sjálfstæðisflokkur og Samfylking hafi gefið sér út morgundaginn til að ræða saman mögulega myndun meirihluta.
Líf Lárusdóttir oddviti Sjálfstæðisflokksins á Akranesi segir að Sjálfstæðisflokkur og Samfylking hafi gefið sér út morgundaginn til að ræða saman mögulega myndun meirihluta. Vísir/Arnar

Tíðinda er að vænta af meirihlutaviðræðum Sjálfstæðisflokksins og Samfylkingarinnar á Akranesi á morgun. Þetta segir Líf Lárusdóttir, oddviti Sjálfstæðismanna á Akranesi, í samtali við fréttastofu. 

Sjálfstæðisflokkurinn og Samfylkingin hófu formlegar meirihlutaviðræður á Akranesi um helgina eftir að slitnaði upp úr meirihlutaviðræðum Framsóknar og Samfylkinar. Samfylkingin sleit viðræður um áframhaldandi meirihlutasamstarf vegna afarkosta sem Framsókn hafi sett og Samfylking gat ekki gengið að. 

Líf Lárusdóttir segir viðræður Sjálfstæðisflokks og Samfylkingar ganga vel. 

„Viðræður hafa verið í gangi síðustu daga eftir að við boðuðum til formlegra meirihlutaviðræðna við Samfylkinguna. Það hefur gengið vel og við gefið okkur út morgundaginn til að ræða saman,“ segir Líf. 

Gera má því ráð fyrir að fregna verði að vænta á Akranesi á morgun. 

„Vonandi alla vega eitthvað fyrir helgi, hvorn veginn sem fer.“


Tengdar fréttir



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×