Klopp búinn að framlengja við Liverpool

The Athletic greinir frá þessu og segir að það styttist í að Liverpool staðfesti tíðindin.

Klopp tók við Liverpool af Brendan Rodgers í október 2015 og hefur gert frábæra hluti á Anfield. Undir stjórn Þjóðverjans varð Liverpool meðal annars Evrópumeistari 2019 og Englandsmeistari 2020.

Liverpool á enn möguleika á að vinna alla fjóra stærstu titlana sem í boði eru í vetur. Rauði herinn er búinn að vinna deildabikarinn, kominn í bikarúrslit, með annan fótinn í úrslitaleik Meistaradeildar Evrópu og aðeins einu stigi á eftir toppliði Manchester City í ensku úrvalsdeildinni.

Liverpool vann Villarreal með tveimur mörkum gegn engu í fyrri leik liðanna í undanúrslitum Meistaradeildarinnar í gær. Næsti leikur liðsins er gegn Newcastle United í hádeginu á laugardaginn.