Skiptar skoðanir um nýjar sóttvarnaaðgerðir á Sprengisandi

Elísabet Inga Sigurðardóttir skrifar 25. júlí 2021 09:59

Jóhannes Þór Skúlason framkvæmdastjóri Samtaka ferðaþjónustunnar og Már Kristjánsson yfirlæknir á Landspítalanum munu skiptast á skoðunum um ráðstafanir vegna nýrrar bylgju Covidsmita í Sprengisandi á Bylgjunni klukkan tíu.

Kristrún Frostadóttir og Sigurður Hannesson rökræða aðgerðir hins opinbera á húsnæðismarkaði, hagstjórnarmistök eða ekki? Og velta líka fyrir sér hagrænum áhrifum þeirra aðgerða sem ríkisstjórnin boðar nú.

Í beinu framhaldi mun Svandís Svavarsdóttir heilbrigðisráðherra fjallar um þessar sömu aðgerðir, rökin fyrir þeim, deilurnar um sóttvarnarstefnuna sem tókst að bæla niður að þessu sinni a.m.k. og áhrif þessa á pólitíkina í sumar og haust.

Rakel Guðmundsdóttir stjórnmálafræðingur sem skrifað hefur mikið um loftslagsmál verður næst á dagskrá. Rakel segir óhjákvæmilegt að draga úr neyslu ætlum við að ná árangri í loftslagsmálum og hún er efins um að það dugi Íslendingum til að ná markmiðum sínum að skipta bara yfir í rafbíla. Breyttar ferðavenjur muni ráða úrslitum og þær séu ekki í sjónmáli.

Hlusta má á þáttinn í spilaranum hér að neðan á slaginu klukkan tíu.

Sprengisandur

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.