Innlent

Borgar allan lögfræðikostnað fyrir þá sem Ingó lögsækir

Snorri Másson skrifar
Haraldur Þorleifsson frumkvöðull notar peningana sína í alls konar samfélagsverkefni, hið nýjasta er að styðja þá sem Ingólfur Þórarinsson hyggst lögsækja.
Haraldur Þorleifsson frumkvöðull notar peningana sína í alls konar samfélagsverkefni, hið nýjasta er að styðja þá sem Ingólfur Þórarinsson hyggst lögsækja. vísir/sigurjón

Haraldur Þorleifsson, frumkvöðull sem hagnaðist verulega á sölu fyrirtækis síns til Twitter, hefur boðist til þess að greiða allan lögfræðikostnað þeirra sem Ingólfur Þórarinsson Veðurguð kann að lögsækja vegna ummæla á netinu um framkomu hans við konur.

Lögmaður Ingólfs, Vilhjálmur H. Vilhjálmsson, hefur gefið það út að fimm aðilum hafa verið send kröfubréf vegna meintra ærumeiðinga í garð Ingós í fjölmiðlum. Þá hyggst hann kæra aðgerðahópinn Öfga fyrir birtingu nafnlausra frásagna meintra fórnarlamba Ingós.

Áform Ingós um að lögsækja þennan hóp fólks hafa fallið í grýttan jarðveg á samfélagsmiðlum. Haraldur hefur nú stigið fram og boðið fram fjárhagsaðstoð.

„Ég skal borga lögfræðikostnað fyrir alla sem þurfa í þessu máli. Ef þið þekkið fólk sem þarf hjálp sendið þau endilega til mín,“ segir Haraldur.

Blaðamenn, áhrifavaldar og fólk sem sakaði Ingó um refsiverða háttsemi í athugasemdakerfum fjölmiðla er sagt vera á meðal þeirra sem eiga von á kröfubréfi frá lögmanninum.

Nálgun Haralds er ekki óskyld því sem stundað hefur verið um árabil með svonefndum Málfrelsissjóði. Sá sjóður er rekinn á frjálsum framlögum en fé úr honum er veitt til þeirra sem þurfa að greiða sektir vegna ærumeiðinga í umræðu um kynbundið ofbeldi á opinberum vettvangi.

Haraldur virðist raunar sjálfur hafa lagt Málfrelsissjóð lið, ef marka má athugasemd hans við Facebook-færslu Hildar Lilliendahl Viggósdóttur í mars.

Peningarnir fara í samfélagsverkefni

Frá því að Haraldur seldi Twitter fyrirtæki sitt Ueno hefur hann verið við störf hjá samfélagsmiðlinum. 

Kaupverðið var verulegt en nákvæm upphæð hefur ekki verið gefin upp. Það vakti athygli fjölmiðla þegar Haraldur greindi frá þeirri ákvörðun að greiða skattana af sölunni á Íslandi. Síðan hefur Haraldur vakið athygli fyrir að verja fénu í ýmis samfélagsverkefni, á borð við „Römpum upp Reykjavík.“

Það verkefni snýr að því að koma fyrir römpum á margvíslegum stöðum sem stuðla að bættu aðgengi fyrir fólk í hjólastól, en sjálfur notar Haraldur einn slíkan.

MeToo Kynferðisofbeldi Mál Ingólfs Þórarinssonar

Tengdar fréttir

Nýtir peningana frá Twitter til að opna kaffi­hús og bíó á uppáhalds staðnum

Fé­lagið Unn­ar­stíg­ur ehf., sem er í eigu Har­ald­ar Inga Þor­leifs­son­ar, hef­ur keypt jarðhæðina við Tryggvagötu 11 í Reykja­vík­. Haraldur er stofnandi hönnunarfyrirtækisins Ueno en hann seldi félagið til Twitter um síðustu áramót. Það er því vel við hæfi að hann hafi greint frá fasteignakaupunum á Twitter-síðu sinni í gær.

Al­­gjör ó­­þarfi að tor­velda líf hreyfi­hamlaðra með mannanna verkum

„Það kemur mjög oft fyrir að einhver hittingur, mannfögnuður, athöfn, eða bara staður sem mig langar á er ekki aðgengilegur. Það er auðvitað sárt í hvert einasta skipti en það sem gerist yfir lengri tíma er að fólk einangrast. Það byrjar sjálft að velja sig út úr hlutum, jafnvel þó það sé kannski aðgengilegt, vegna þess að það verður svolítið félagsfælið og kvíðið yfir því að það komi upp einhver vandamál.“

Ueno kemst á lista Inc. eftir hraðan vöxt

Vefhönnunarfyrirtækið Ueno er komið á árlegan lista yfir hraðast vaxandi fyrirtækin í Bandaríkjunum. Fyrirtækið var stofnað 2014 og útlit er fyrir að tekjur þessa árs nemi um 2,5 milljörðum króna.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið