Enski boltinn

Frá Barcelona til Leeds United

Runólfur Trausti Þórhallsson skrifar
Junior Firpo er kominn til Leeds United.
Junior Firpo er kominn til Leeds United. Leeds United

Enska knattspyrnufélagið hefur fest kaup á Junior Firpo, 24 ára gömlum vinstri bakverði, frá Barcelona. Skrifar hann undir fjögurra ára samning.

Firpo kemur til Leeds eftir að hafa leikið með Börsungum síðan 2019. Tímabilið þar áður var hann í Real Betis. Firpo var hugsaður sem samkeppni við Jordi Alba í liði Barcelona en tækifærin voru af skornum skammti og kom hann til að mynda aðeins við sögu í 18 leikjum á síðustu leiktíð.

Vinstri bakvörðurinn hefur nú ákveðið að söðla um og færa sig um set. Hann mun leika undir stjórn Marcelo Bielsa hjá Leeds í vetur en félaginu vantar vinstri bakvörð þar sem Ezgjan Alioski er farinn frá félaginu.

Kaupverðið hefur ekki verið gefið upp en samkvæmt Sky Sports hljóðar það upp á 12.8 milljónir punda og þá mun Barcelona fá 20 prósent af upphæðinni sem Leeds fær fyrir leikmanninn ef félagið selur hann.

Leeds er í óðaönn að styrkja sig fyrir komandi tímabil en liðið lenti í 9. sæti ensku úrvalsdeildarinnar á síðustu leiktíð, þá sem nýliðar. Liðið horfir eflaust til Sheffield United sem skítféll ári eftir að liðið kom öllum að óvörum sem nýliðar.

Þá eru Barcelona að losa leikmenn og safna fjármagni til að byggja upp lið sem getur barist um alla þá titla sem eru í boði. Talið er Miralem Pjanic sé á leið til Tottenham Hotspur á næstu dögum en einnig eru Samuel Umtiti og Philippe Coutinho til sölu.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.