Heimamenn í Arsenal Tula komust yfir í fyrri hálfleik og voru 1-0 yfir er flautað var til loka fyrri hálfleiks. Snemma í síðari hálfleik lagði Arnór upp jöfnunarmark CSKA Moskvu er hann gaf á Vadim Kapov, staðan orðin 1-1.
Það var svo hægri bakvörðurinn Mario Feranndes sem skoraði sigurmarkið á 86. mínútu leiksins en CSKA hafði verði manni fleiri frá 55. mínútu þegar Evgeni Lutsenko fékk sitt annað gula spjald í liði heimamanna.
#CSKA advanced to the Russian Cup Semifinals! pic.twitter.com/6SURq71ikE
— PFC CSKA Moscow (@PFCCSKA_en) April 8, 2021
Lokatölur 2-1 og CSKA Moskva komið í undanúrslit bikarsins. Arnór lék eins og áður sagði klukkutíma í dag en Hörður Björgvin Magnússon var ekki í leikmannahópi liðsins sökum meiðsla. Hann sleit hásin á dögunum og verður ekki meira með á leiktíðinni.