Annar svæfingalæknir segir upp störfum: Stefnir í óhaldbært ástand á gjörgæslu

„Það er skrýtin tilhugsun að setja sig í þau spor að eiga ef til vill ekki eftir að koma aftur inn á Landspítalann,“ segir María. „Ástandið er orðið grafalvarlegt og ég tel mér ekki fært að vinna samkvæmt þeim launakjörum sem nú eru í gildi.“
Aðeins 6,7 stöðugildi eftir að óbreyttu
Að minnsta kosti tveir svæfinga- og gjörgæslulæknar hafa því sagt upp störfum á spítalanum í dag en í morgun sagði Einar Páll Indriðason Vísi frá uppsögn sinni. Fjóra svæfingasérfræðinga þarf til að manna eina helgarvakt á gjörgæslu en þegar uppsagnir Maríu og Einars taka gildi fyrsta apríl næstkomandi verða aðeins 6,7 stöðugildi mönnuð.
„Það er farið að bera á því að það sé ekki nægileg mönnun. Það stefnir í ástand sem ekki verður haldbært,“ segir María. „Þetta er ákvörðun sem ég hef íhugað mjög lengi og rætt við fjölskyldu mína. Ég tel að hún sé mjög brýn.“
María hefur starfað í Svíþjóð og segist þannig hafa að öðru að hverfa. Hún segist geta hugsað sér að koma aftur til starfa á spítalanum ef samið verður um „ásættanleg“ kjör.
„Það þyrfti að vera þannig breyting að maður gæti sætt sig við það,“ segir María. „Þetta er meðal annars til að vekja ráðamenn til umhugsunar og til þess að greina frá alvarleika málsins. Það er brýn þörf á að bæta kjörin og semja.“
Tengdar fréttir

Reynslubolti á spítalanum hendir inn handklæðinu
„Já, ég sagði upp í dag,“ segir Einar Páll í samtali við Vísi. Hann hefur starfað sem svæfingar- og gjörgæslulæknir á Landspítalanum í Fossvogi frá því árið 2001.

Segja ríkisstjórnina ráðalausa í læknadeilunni
Formenn stjórnarandstöðunnar leggja til að skipuð verði sáttanefnd vegna læknadeilunnar.

Heilsugæslan á höfuðborgarsvæðinu fær falleinkunn- 2,5 af 10
Verkfall lækna hefur haft víðtæk áhrif í heilbrigðiskerfinu þótt engin alvarleg atvik hafi verið skráð. Læknar boða enn harðari aðgerðir eftir áramót.

Björguðu lífi 98 af hundrað sjúklingum með alvarlega stunguáverka
Í einu af alvarlegustu tilfellunum þurfti að gefa sjúklingi 55 lítra af blóði. Við vörum við myndum í myndbandi með fréttinni.

„Staðan er sú að mánaðarlaun okkar fyrir fulla vinnu á Íslandi duga okkur ekki til framfærslu“
Tveir læknar á Landspítalanum birtu uppsagnarbréf sín á Facebook í gærkvöldi.

Enn enginn samningafundur boðaður
Virðist langt í land með að samningar náist í kjaradeilu lækna og ríkisins.

Segir erfitt að sjá hvernig tryggja megi öryggi sjúklinga
Læknar hafa boðað hertar verkfallsaðgerðir strax á nýju ári. Páll Matthíasson, forstjóri Landspítalans, óttast áhrif þeirra á sjúklingana.

Ráðherra segir lög á verkfall lækna ekki leysa vandann
Ekkert hefur verið rætt um lagasetningu á verkfall lækna og skurðlækna í ríkisstjórninni eða heilbrigðisráðuneytinu, að sögn Kristjáns Þórs Júlíussonar heilbrigðisráðherra.