Harður árekstur við Fitjar í Reykjanesbæ

Harður árekstur varð á gatnamótum Reykjanesbrautar og Stekks við Fitjar í Reykjanesbæ klukkan ellefu í morgun. Samkvæmt upplýsingum frá lögreglunni á Suðurnesjum voru minniháttar meiðsl á fólki en tveir voru fluttir til læknisskoðuna á Heilbrigðisstofnunar Suðurnesja en útskrifaðir að því loknu.

Samkvæmt varðstjóra lögreglunnar á Suðurnesjum er talið að öryggisbelti og líknarbelgi sem blésu út við áreksturinn hafi bjargað fólkinu sem var í bílunum. Bílarnir sem rákust saman voru Toyota fólksbíll og Land Rover jeppi, en talið er að annar bíllinn sé ónýtur og er hinn mikið skemmdur.