Rösklega 91% fleiri lesa Fréttablaðið

Rösklega 91% fleiri lásu Fréttablaðið en Morgunblaðið í maí til júlí síðastliðnum, samkvæmt nýrri skoðanakönnun Capacent Gallup. Tölurnar miða við aldurshópinn 12 - 80 ára á landinu öllu. Meðallestur Fréttablaðsins var þá 61,4%, en meðallestur Mogunblaðsins var 32,1%, samkvæmt könnuninni.

Lestur á báðum blöðunum minnkar því frá síðustu könnun sem gerð var frá febrúar-apríl, en þá var meðallestur Fréttablaðsins slétt 64% og meðallestur Morgunblaðsins var 34,8%. Meðallestur Fréttablaðsins hefur því minnkað um 2,6 prósentustig á milli kannana en meðallestur Morgunblaðsins hefur minnkað um 2,7 prósentustig.

Í maí til júlí í fyrra var meðallestur Fréttablaðsins hins vegar 61,1% en Morgunblaðsins 39,1%.