Vænlegar tegundir til fiskeldis

Staða einstakra eldistegunda og þörf á rannsókna- og þróunarvinnu verður til umræðu á ráðstefnu sem haldin verður af Fiskeldishópi AVS og Landssambandi fiskeldisstöðva í Reykjavík á föstudaginn. Ráðstefnunni er ætlað að vera fyrsta skref Fiskeldishóps AVS í að skilgreina aðrar eldistegundir en þorsk sem mikilvægt er að njóti forgangs við úthlutun úr AVS rannsóknasjóði í sjávarútvegi. Hópurinn á svo að vinna með upplýsingarnar sem fram koma á ráðstefnunni og velja eldistegund sem hentar best íslensku fiskeldi og er líklegust til að gefa mestan arð á næstu árum og áratugum.