Telja amfetamínbasa framleiddan á Íslandi: Lögðu hald á 13,5 lítra Nadine Guðrún Yaghi skrifar 22. apríl 2020 19:00 Lögreglan telur amfetamínbasa nú framleiddan hér á landi en síðustu mánuði hefur verið lagt hald á 13,5 lítra í umfangsmiklum málum er varða skipulagða glæpastarfsemi. Sjö manns, sem taldir eru tilheyra erlendum glæpahópum, hafa verið í gæsluvarðhaldi grunaðir um amfetamínframleiðslu og aðra glæpi. Síðustu mánuði hefur lögreglan á höfuðborgarsvæðinu haft til rannsóknar mjög umfangsmikið mál er varðar skipulagða brotastarfsemi, ætlaðri framleiðslu amfetamíns og peningaþvætti. Sex manns voru úrskurðaðir í gæsluvarðhald í janúar en þá hafði rannsókn málsins staðið lengi. Húsleit var gerð á á annan tug staða víða á höfuðborgarsvæðinu og hald lagt á mikið magn fíkniefna. Mennirnir hafa allir verið látnir lausir úr haldi enda ekki hægt að halda fólki lengur í gæsluvarðhaldi en í 12 vikur, ef ekki hefur verið gefin út ákæra. Í mars var svo einn til viðbótar, erlendur karlmaður, handtekinn vegna málsins og sætir sá gæsluvarðhaldi. Gerð var húsleit á tveimur stöðum á höfuðborgarsvæðinu í tengslum við handtökuna þar sem talsvert magn af amfetamínbasa fannst. Í málunum hefur samanlagt verið lagt hald á 13,5 lítra af amfetamínbasa, auk tilbúinna fíkniefna sem talið er að hafi verið framleidd hérlendis. Einnig fannst mikið magn af sterum. Amfetamínbasi er fljótandi amfetamín sem umbreytt er í duft og svo þynnt út með efnum áður en það fer í sölu á götunni en áætla má að úr einum lítra sé hægt að fá þrjú kíló af amfetamíni. „Núna á síðustu mánuðum höfum við verið að taka fíkniefni sem má selja á götunni fyrir rúmlega 230 milljónir. Þetta eru bæði Íslendingar og útlendingar og við erum að skoða og höfum það að þarna eru tengsl við erlenda brotahópa líka,“ segir Margeir Sveinsson, aðstoðaryfirlögregluþjónn hjá Miðlægri rannsóknardeild lögreglunnar á höfuðborgarsvæðinu. Margeir segir að við rannsókn málsins hafi lögregla fundið amfetamínframleiðslu en grunur leikur á að basinn sem notaður var við framleiðsluna sé einnig framleiddur hér á landi. Aðeins einu sinni hefur amfetamínbasaframleiðsla fundist hér á landi en það var árið 2008 í iðnaðarhúsi í Hafnarfirði. Árið 2012 gerði lögreglan upptækan búnað til að fara í slíka framleiðslu og náði því að stöðva framleiðsluna áður en hún fór af stað. „Við erum nú að skoða hvort framleiðslan sé í meira mæli en við höldum í amfetamínbasa hér á landi, en hún er einhver,“ segir Margeir og bætir við að þetta sé mikið áhyggjuefni. „Þetta er flókið ferli og það þarf kunnáttumenn í þetta. Við að framleiða amfetamínbasa er mikil sprengjuhætta og það er ekki á færi hvers sem er að fara út í þetta,“ segir Margeir. Þá sé mikil hætta á eitrun vegna framleiðslunnar ef efnin eru ekki meðhöndluð rétt, sem gæti leitt til dauða. Í báðum málunum er einnig verið að rannsaka peningaþvætti. „Þá erum við með andlag í fjármunabrotunum fyrir um hálfan milljarð króna rúmlega. Þetta er allt frá húsnæði, bílum og dýrum munum sem fólk safnar sér,“ segir Margeir. Fleiri umfangsmikil mál eru til rannsóknar hjá embættinu og má þar nefna svokallað Hvalfjarðarmál. Það snýr einnig að skipulagða brotastarfsemi, peningaþvætti og framleiðslu fíkniefna. Margeir segist ekki geta tjáð sig um það mál að svo stöddu. Sjá einnig: Jaroslava meðal hinna handteknu í Hvalfjarðargangamálinu Við aðgerðirnar í báðum málunum hefur Lögreglan á höfuðborgarsvæðinu notið aðstoðar sérsveitar ríkislögreglustjóra og tollyfirvalda. Lögreglumál Fíkn Mest lesið Segja slúbberta hjá hinu opinbera kosta ríkið 30 til 50 milljarða árlega Innlent Skilti Vegagerðarinnar morandi í villum: „Er ekkert gæðaeftirlit hjá ykkur?“ Innlent Ráðist með hníf að ungmenni í Hafnarfirði Innlent Skutu mann í röngu húsi en brutu ekki af sér Erlent Íbúar Austur-Grænlands mótmæltu einangrun og pólitísku afskiptaleysi Erlent Grunaður árásarmaður í Úlfarsárdal handtekinn Innlent Tveir ísraelskir sendiráðsstarfmenn skotnir til bana í Washington Erlent Nota lygapróf til að leita lekamanna og refsa þeim Erlent Leigubílstjóri fór í svaðilför á Teslunni upp í Þórsmörk og sneri heill heim Innlent Sat fyrir forseta Suður-Afríku með ásökunum um þjóðarmorð á hvítum Erlent Fleiri fréttir Ráðist með hníf að ungmenni í Hafnarfirði Segja slúbberta hjá hinu opinbera kosta ríkið 30 til 50 milljarða árlega Skilti Vegagerðarinnar morandi í villum: „Er ekkert gæðaeftirlit hjá ykkur?“ EES-ríkin þrjú efla samstarf við ESB á sviði öryggismála Öskrandi og ber að ofan við grunnskóla Opni Ísraelar ekki fyrir mannúðaraðstoð „þá verða að vera þvinganir“ Neyðaraðstoð í gíslingu, óvænt ákvörðun og ærandi spenna Leigubílstjóri fór í svaðilför á Teslunni upp í Þórsmörk og sneri heill heim Grunaður árásarmaður í Úlfarsárdal handtekinn Slæmur frágangur akkerisins olli slysinu Níðingarnir treysta á skömmina í kynlífskúgunarmálum Ber fyrir sig minnisleysi á verknaðarstundu Gæsluvarðhaldsfangar dúsa í einangrun vegna plássleysis Þau sóttu um þrjú embætti skólameistara á Norðurlandi Haraldur Jóhannsson er látinn Ráðin í starf verkefnastjóra í atvinnuvegaráðuneytinu Fyrsta mastrið í Suðurnesjalínu 2 risið Hæstiréttur gefur grænt ljós á búvörulögin Dvöl á Hrauninu fram undan eftir kókaínsmygl Hefja átak í HPV-bólusetningu í vetur Seðlabankinn heldur áfram að lækka vexti og mótmæli við utanríkisráðuneytið Hjalti Snær sá sem fannst látinn Samhjálp í kapphlaupi við tímann Gefa sér þrjá mánuði til að leggja drög að Coda-stöð á Bakka Þrettán skemmtiferðaskip og Ísland uppselt Mótmæla við utanríkisráðuneytið Strandveiðibátur strandaði á hólma á Reykjanesi SÍS tekur undir kröfu Borgarbyggðar um kostnað vegna flóttamanna Bað lögreglustjóra að „veita framvegis réttar upplýsingar“ Langjökull eigi ekki ýkja mörg ár eftir Sjá meira
Lögreglan telur amfetamínbasa nú framleiddan hér á landi en síðustu mánuði hefur verið lagt hald á 13,5 lítra í umfangsmiklum málum er varða skipulagða glæpastarfsemi. Sjö manns, sem taldir eru tilheyra erlendum glæpahópum, hafa verið í gæsluvarðhaldi grunaðir um amfetamínframleiðslu og aðra glæpi. Síðustu mánuði hefur lögreglan á höfuðborgarsvæðinu haft til rannsóknar mjög umfangsmikið mál er varðar skipulagða brotastarfsemi, ætlaðri framleiðslu amfetamíns og peningaþvætti. Sex manns voru úrskurðaðir í gæsluvarðhald í janúar en þá hafði rannsókn málsins staðið lengi. Húsleit var gerð á á annan tug staða víða á höfuðborgarsvæðinu og hald lagt á mikið magn fíkniefna. Mennirnir hafa allir verið látnir lausir úr haldi enda ekki hægt að halda fólki lengur í gæsluvarðhaldi en í 12 vikur, ef ekki hefur verið gefin út ákæra. Í mars var svo einn til viðbótar, erlendur karlmaður, handtekinn vegna málsins og sætir sá gæsluvarðhaldi. Gerð var húsleit á tveimur stöðum á höfuðborgarsvæðinu í tengslum við handtökuna þar sem talsvert magn af amfetamínbasa fannst. Í málunum hefur samanlagt verið lagt hald á 13,5 lítra af amfetamínbasa, auk tilbúinna fíkniefna sem talið er að hafi verið framleidd hérlendis. Einnig fannst mikið magn af sterum. Amfetamínbasi er fljótandi amfetamín sem umbreytt er í duft og svo þynnt út með efnum áður en það fer í sölu á götunni en áætla má að úr einum lítra sé hægt að fá þrjú kíló af amfetamíni. „Núna á síðustu mánuðum höfum við verið að taka fíkniefni sem má selja á götunni fyrir rúmlega 230 milljónir. Þetta eru bæði Íslendingar og útlendingar og við erum að skoða og höfum það að þarna eru tengsl við erlenda brotahópa líka,“ segir Margeir Sveinsson, aðstoðaryfirlögregluþjónn hjá Miðlægri rannsóknardeild lögreglunnar á höfuðborgarsvæðinu. Margeir segir að við rannsókn málsins hafi lögregla fundið amfetamínframleiðslu en grunur leikur á að basinn sem notaður var við framleiðsluna sé einnig framleiddur hér á landi. Aðeins einu sinni hefur amfetamínbasaframleiðsla fundist hér á landi en það var árið 2008 í iðnaðarhúsi í Hafnarfirði. Árið 2012 gerði lögreglan upptækan búnað til að fara í slíka framleiðslu og náði því að stöðva framleiðsluna áður en hún fór af stað. „Við erum nú að skoða hvort framleiðslan sé í meira mæli en við höldum í amfetamínbasa hér á landi, en hún er einhver,“ segir Margeir og bætir við að þetta sé mikið áhyggjuefni. „Þetta er flókið ferli og það þarf kunnáttumenn í þetta. Við að framleiða amfetamínbasa er mikil sprengjuhætta og það er ekki á færi hvers sem er að fara út í þetta,“ segir Margeir. Þá sé mikil hætta á eitrun vegna framleiðslunnar ef efnin eru ekki meðhöndluð rétt, sem gæti leitt til dauða. Í báðum málunum er einnig verið að rannsaka peningaþvætti. „Þá erum við með andlag í fjármunabrotunum fyrir um hálfan milljarð króna rúmlega. Þetta er allt frá húsnæði, bílum og dýrum munum sem fólk safnar sér,“ segir Margeir. Fleiri umfangsmikil mál eru til rannsóknar hjá embættinu og má þar nefna svokallað Hvalfjarðarmál. Það snýr einnig að skipulagða brotastarfsemi, peningaþvætti og framleiðslu fíkniefna. Margeir segist ekki geta tjáð sig um það mál að svo stöddu. Sjá einnig: Jaroslava meðal hinna handteknu í Hvalfjarðargangamálinu Við aðgerðirnar í báðum málunum hefur Lögreglan á höfuðborgarsvæðinu notið aðstoðar sérsveitar ríkislögreglustjóra og tollyfirvalda.
Lögreglumál Fíkn Mest lesið Segja slúbberta hjá hinu opinbera kosta ríkið 30 til 50 milljarða árlega Innlent Skilti Vegagerðarinnar morandi í villum: „Er ekkert gæðaeftirlit hjá ykkur?“ Innlent Ráðist með hníf að ungmenni í Hafnarfirði Innlent Skutu mann í röngu húsi en brutu ekki af sér Erlent Íbúar Austur-Grænlands mótmæltu einangrun og pólitísku afskiptaleysi Erlent Grunaður árásarmaður í Úlfarsárdal handtekinn Innlent Tveir ísraelskir sendiráðsstarfmenn skotnir til bana í Washington Erlent Nota lygapróf til að leita lekamanna og refsa þeim Erlent Leigubílstjóri fór í svaðilför á Teslunni upp í Þórsmörk og sneri heill heim Innlent Sat fyrir forseta Suður-Afríku með ásökunum um þjóðarmorð á hvítum Erlent Fleiri fréttir Ráðist með hníf að ungmenni í Hafnarfirði Segja slúbberta hjá hinu opinbera kosta ríkið 30 til 50 milljarða árlega Skilti Vegagerðarinnar morandi í villum: „Er ekkert gæðaeftirlit hjá ykkur?“ EES-ríkin þrjú efla samstarf við ESB á sviði öryggismála Öskrandi og ber að ofan við grunnskóla Opni Ísraelar ekki fyrir mannúðaraðstoð „þá verða að vera þvinganir“ Neyðaraðstoð í gíslingu, óvænt ákvörðun og ærandi spenna Leigubílstjóri fór í svaðilför á Teslunni upp í Þórsmörk og sneri heill heim Grunaður árásarmaður í Úlfarsárdal handtekinn Slæmur frágangur akkerisins olli slysinu Níðingarnir treysta á skömmina í kynlífskúgunarmálum Ber fyrir sig minnisleysi á verknaðarstundu Gæsluvarðhaldsfangar dúsa í einangrun vegna plássleysis Þau sóttu um þrjú embætti skólameistara á Norðurlandi Haraldur Jóhannsson er látinn Ráðin í starf verkefnastjóra í atvinnuvegaráðuneytinu Fyrsta mastrið í Suðurnesjalínu 2 risið Hæstiréttur gefur grænt ljós á búvörulögin Dvöl á Hrauninu fram undan eftir kókaínsmygl Hefja átak í HPV-bólusetningu í vetur Seðlabankinn heldur áfram að lækka vexti og mótmæli við utanríkisráðuneytið Hjalti Snær sá sem fannst látinn Samhjálp í kapphlaupi við tímann Gefa sér þrjá mánuði til að leggja drög að Coda-stöð á Bakka Þrettán skemmtiferðaskip og Ísland uppselt Mótmæla við utanríkisráðuneytið Strandveiðibátur strandaði á hólma á Reykjanesi SÍS tekur undir kröfu Borgarbyggðar um kostnað vegna flóttamanna Bað lögreglustjóra að „veita framvegis réttar upplýsingar“ Langjökull eigi ekki ýkja mörg ár eftir Sjá meira