Mikilvægur en naumur sigur City

Anton Ingi Leifsson skrifar
Sterling fagnar sigurmarkinu í dag. Mikilvægt mark fyrir framhaldið hjá City.
Sterling fagnar sigurmarkinu í dag. Mikilvægt mark fyrir framhaldið hjá City. Manchester City FC/Getty

Manchester City minnkaði forskot Liverpool á toppi ensku úrvalsdeildarinnar niður í átta stig með 1-0 sigri á Southampton á útivelli.

City missteig sig í síðustu umferð er liðið gerði 1-1 jafntefli gegn WBA á heimavelli og þurfti því nauðsynlega að sækja sigur á suðurströndina í dag gegn spútnikliði Southampton.

Það var strax á sextándu mínútu sem fyrsta og eina mark leiksins kom. Kevin de Bruyne gaf þá laglega sendingu á Raheem Sterling sem skoraði. Lokatölur 1-0.

Jafnræði var með liðunum í síðari hálfleik en City varðist vel. Þeir hafa einungis fengið á sig tólf mörk í ár og halda áfram að spila þéttan varnarleik.

City er nú í fimmta sætinu með 23 stig. Liverpool er á toppnum með 31 stig en City á þó leik til góða á toppliðið. Southampton er áfram í fjórða sætinu með 24 stig.

Bein lýsing

Leikirnir






    Fleiri fréttir

    Sjá meira