Tónlist

Frumsýna myndbandið við lagið Jól eins og áður

Sylvía Rut Sigfúsdóttir skrifar
Stjörnurnar sameinast í nýju jólalagi til að gleðja landsmenn.
Stjörnurnar sameinast í nýju jólalagi til að gleðja landsmenn. Samsett

Fjöldi landsþekktra tónlistarmanna og leikara frumsýna í dag lagið Jól eins og áður. Lagið er eftir Gretu Salóme og Bjarka Bomarz Ómarsson en hann sá einnig um upptökustjórn. Ásamt Gretu Salóme koma fram þau Sverrir Bergmann, Sigga Beinteins, KK, DJ Muscleboy, Jón Gnarr, Ragnheiður Gröndal, Aron Mola, Birgir Steinn og Katrín Halldóra.

„Það gekk ótrúlega vel að vinna þetta lag. Það voru allir svo jákvæðir og til í að gera þetta og sammála um að þetta væri eitthvað sem fólk þyrfti á að halda núna. Ekki mikið drama heldur bara birta og smá kómík. Ég átti hugmyndina og var komin með beinagrind að laginu og fór í stúdíó til Bjarka Ómars og við tókum þetta þaðan og kláruðum að semja lagið. Svo þurftum við að fá alla söngvarana inn í stúdíó eitt í einu og passa að það yrðu aldrei margir á sama tíma upp á smithættu. Þetta var smá púsluspil en ótrúlega skemmtilegt verkefni,“ sagði Greta Salóme um lagið í samtali við Vísi í gær.

Hægt er sjá myndbandið við Jól eins og áður í spilaranum hér fyrir neðan. Myndbandinu leikstýrði Jimmy Salinas. 

Klippa: Jól eins og áður

Jól eins og áður á að vera sambland af upplífgandi jólaboðskap og komedíu sem landinn þarf á að halda á þessum tímum. Eins og sjá má í myndbandinu hér fyrir ofan bregður fyrir Indriða úr Fóstbræðrum og DJ Muscleboy sendir 2020 einnig stutta kveðju. Laginu er dreift af tónlistarfyrirtækinu SONY.






Fleiri fréttir

Sjá meira


×