Nú sitji börnin heima á meðan fullorðnir mæta í ræktina Kristín Ólafsdóttir skrifar 22. október 2020 07:01 Einmana bolti á gervigrasi. Knattspyrnuæfingar barna hafa legið niðri í nokkrar vikur og munu gera það áfram. Vísir/Vilhelm Foreldrum og aðstandendum íþróttastarfs barna þykir mörgum skjóta skökku við að börn fái ekki að stunda sínar skipulögðu íþróttir en líkamsræktarstöðvar fái að halda úti hóptímum. Eftir að ný reglugerð heilbrigðisráðherra tók gildi á þriðjdag sagði framkvæmdastjóri UMFÍ merkja ákveðna stefnubreytingu hjá stjórnvöldum; í fyrri bylgjum kórónuveirufaraldursins hafi kapp verið lagt á að halda barnastarfi í gangi en nú sitji börnin heima á meðan fullorðnir mæti í ræktina. Framkvæmdastjóri Heimilis og skóla kallaði við sama tilefni eftir skýrari reglum. Íþróttir barna „án snertingar og blöndunar“ leyfðar Í reglugerð heilbrigðisráðherra sem tók gildi í fyrradag er íþróttastarf á vegum Íþrótta- og ólympíusambands Íslands „sem krefst snertingar eða hætta er á snertingu milli fólks“ óheimilt á höfuðborgarsvæðinu. Íþrótta-, æskulýðs- og tómstundastarf barna á leik- og grunnskólaaldri, þar með talið skólasund, sem krefst meiri snertingar og frekari blöndunar hópa en í skólastarfi, er jafnframt óheimilt á höfuðborgarsvæðinu. Íþrótta- og tómstundastarf barna sem ekki krefst frekari blöndunar hópa en í skólastarfi er heimilt, einnig þótt í því felist snerting. Þetta á t.d. við um frímínútur í skólum og leikfimitímum. Talsverðrar óvissu hefur gætt um það hvernig íþróttastarfi barna skuli háttað innan ramma reglugerðarinnar. Það er þó ákvörðun þeirra sem stjórna íþrótta- og tómstundastarfi barna hvort þeir nýti sér það svigrúm sem reglugerðir ráðherra fela í sér, eða ekki. Fram kemur í tilkynningu frá UMFÍ á mánudag að staðið hafi til að íþróttastarf barna myndi hefjast að nýju á höfuðborgarsvæðinu á þriðjudag, að uppfylltum skilyrðum, en æfingar hafa legið niðri síðan í byrjun mánaðar. Af því varð þó ekki. Eftir „langan dag og yfirferð um ýmsar sviðsmyndir“ var loks ákveðið að öllum íþróttamannvirkjum og sundlaugum á vegum sveitarfélaga á höfuðborgarsvæðinu skyldi lokað á þriðjudag. Íþróttakennsla verði leyfð utandyra en skólasund falli niður. „Samfélagið á mikið undir því að það takist að halda skólastarfi gangandi. Því sé lögð áhersla á að takmarka blöndun barna og unglinga milli ólíkra leik- og grunnskóla höfuðborgarsvæðisins. Að öðrum kosti getur eitt smit leitt til að óþarflega stórir hópar eða fleiri en einn skóli þurfi að fara í einangrun eða sóttkví,“ segir í tilkynningu almannavarna um málið á mánudag. Innt eftir því að loknum ríkisstjórnarfundi í fyrradag hvaða íþróttir börn geti stundað utandyra innan þessara takmarkana kvaðst Svandís Svavarsdóttir heilbrigðisráðherra ekki vera sérfræðingur í því. Verið væri að vinna að útfærslum á þessu með þeim sem sinna íþróttastarfi barna. Hrefna Sigurjónsdóttir, framkvæmdastjóri Heimilis og skóla.Vísir/Baldur Áðurnefndar reglur um íþróttastarf barna hafa verið gagnrýndar, einkum í ljósi þess að líkamsræktarstöðvar fengu að opna á ný í fyrradag innan ramma reglugerðarinnar. Iðkendur stöðvanna mega nú sækja skipulagða hóptíma, að uppfylltri tveggja metra reglu, fjöldatakmörkunum og öðrum sóttvörnum. Þórólfur Guðnason sóttvarnalæknir lagði þó til í minnisblaði sínu að líkamsræktarstöðvar yrðu áfram lokaðar og talaði einnig fyrir því á upplýsingafundi almannavarna í fyrradag. Þess má þó geta að Þórólfur lagði einnig til í minnisblaði sínu að íþróttaiðkun á borð við crossfit og jóga undirgangist sömu takmarkanir og aðrar íþróttir, þ.e. að slík iðkun verði leyfð að því gefnu að hún feli ekki í sér snertingu og uppfylli önnur sóttvarnaskilyrði. Ráðuneytið komst að þeirri niðurstöðu að vegna jafnræðisreglu væri ekki hægt að heimila slíka iðkun hjá einum rekstraraðila en ekki hjá öðrum. Telur reglurnar ekki nógu skýrar Hrefna Sigurjónsdóttir framkvæmdastjóri Heimilis og skóla sagði í samtali við Vísi á þriðjudag að foreldrum þyki mörgum sérstakt að líkamsræktarstöðvar megi opna en að börn geti ekki stundað sínar skipulögðu íþróttir. Fótboltaæfingar barna hafa legið niðri á höfuðborgarsvæðinu undanfarnar vikur.Vísir/Hanna „Það sem ég held að sé samt aðalvandinn í þessu, og það sem foreldrum finnst erfiðast, er að þetta er orðið of flókið. Ef yfirvöld vilja fá fólk með sér í lið, fá fólk til að hlíta fyrirmælum, þurfa fyrirmælin að vera skýr. Ég held að allir hafi skilning á því að þetta sé af illri nauðsyn en það stingur í stúf þegar er misræmi í reglum og tilmælum. Það er skrýtið að framhaldsskólar séu lokaðir, að börn megi ekki vera saman á æfingum en svo opna líkamsræktarstöðvarnar.“ Meiri „frústrerasjón“ en áður Auður Inga Þorsteinsdóttir framkvæmdastjóri UMFÍ sagði sömuleiðis í samtali við Vísi á þriðjudag að reglugerðin opni á íþróttastarf án snertingar en minnisblað sóttvarnalæknis og tilmæli almannavarna á mánudagskvöld hafi verið á þann veg að starf fari ekki fram. Staðan í dag sé því skýr: engin starfsemi fer fram hjá félögunum. Mánudagurinn hafi hins vegar verið afar ruglingslegur; misræmi í minnisblaði sóttvarnalæknis og reglugerð ráðherra hafi verið óþægilegt. Auður Inga Þorsteinsdóttir, framkvæmdastjóri UMFÍ.UMFÍ „Ungmennafélögin og íþróttafélögin eru vön því að fara eftir reglum. En það sem lá ekkert fyrir var hvaða reglum ætti að fara eftir. Það er aðalruglingurinn. Því reglurnar í sjálfu sér eru ekki svakalega óskýrar en svo snýrðu þér við og þá eru þær reglur ekki í gildi heldur allt aðrar. Þar myndast núningurinn og samanburðurinn. Það sem við sjáum skapast meira og meira er „frústrerasjón“ og pirringur sem ætti að vera hægt að komast hjá. Ég heyri það á félögunum að það berast gríðarlega mörg símtöl og tölvupóstar til þeirra.“ Þá segir Auður að nú virðist hafa orðið ákveðin stefnubreyting hjá stjórnvöldum varðandi íþróttir og tómstundir barna. Skákæfingar á höfuðborgarsvæðinu liggja niðri en þó er hægt að stunda skák í hverjum skóla eða leikskóla fyrir sig.Vísir/Vilhelm „Ég veit ekki hvort þetta sé sú útkoma sem fólk ætlaði sér þegar farið var af stað en við gerum ekkert annað en að fylgja þeim reglum og fyrirmælum sem eru í gangi. En við veltum líka fyrir okkur að í þessum fyrri bylgjum var allt kapp lagt á að halda barna- og ungmennastarfinu í gangi, bæði íþrótta- og skólastarfinu, en nú erum við komin í þá stöðu að börnin sitja heima á meðan fullorðnir eru komnir í ræktina. Það er ákveðin þversögn. En ég held að það sé ekki til neins fyrir okkur að hengja okkur í því,“ segir Auður. Ef til vill röng nálgun Bryndís Sigurðardóttir smitsjúkdómalæknir benti á það í útvarpsþættinum Bítinu á mánudag að börn virðist smita minna sín á milli en fullorðnir, nokkuð sem sóttvarnalæknir hefur einnig nefnt ítrekað á upplýsingafundum. Þá sagði Bryndís að ekkert benti til þess að þau börn sem smitast af veirunni eigi eftir að glíma við vandamál til langs tíma líkt og fullorðnir. Bryndís veltir fyrir sér hvort það sé röng nálgun að leyfa börnum ekki að æfa sínar íþróttir vitandi þó það að þau séu úti að leika sér á daginn.Vísir Bryndís setti í því samhengi spurningarmerki við að mörg hundruð grunnskólabörn þurfi að fara í sóttkví þegar eitt barn í skólanum greinist með kórónuveiruna, líkt og dæmi eru um á síðustu vikum. Ef til vill væri of langt gengið í þeim sóttvarnaaðgerðum sem takmarka þátttöku barna í íþróttum og skólastarfi. „Við langflest sem þekkjum börn eða eigum börn erum tilbúin að leggja ansi mikið á okkur til þess að líf okkar barna og unglinga séu sem eðlilegust. Hugsanlega þarf aðeins að endurskoða eitthvað af þessu. Núna er ég að tala um grunnskólabörn. Það sem er á allra vörum undanfarna daga eru æfingar þeirra eða útivist og svo framvegis. Maður veit að grunnskólabörn eru flest, ef þau eru ekki í sóttkví þá eru þau í skóla, sem ég fagna og mér finnst vera eðlilegast í þessu ástandi sem við eigum við hérna á Íslandi sem er gott. En að leyfa þeim ekki að æfa sínar íþróttir, vitandi þó það að þau séu úti að leika sér á daginn, það er kannski, ég veit það ekki, röng nálgun,“ sagði Bryndís. Óhætt er að segja að reglugerð heilbrigðisráðherra sem tók gildi á þriðjudag sé ein sú umdeildasta frá því að faraldurinn hófst. Líkt og rakið er að framan hefur mjög borið á því að reglurnar þyki óskýrar, einkum með tilliti til íþróttastarfs barna og líkamsræktarstöðva. Þá hefur þótt misræmi í reglunum og minnisblaði sóttvarnalæknis, sem reynst hefur mörgum fjötur um fót. Þannig voru eigendur líkamsræktarstöðva óvissir um það allt fram á mánudag hvort þeir mættu opna stöðvar sínar fyrir hóptímum í gær. Eigendur World Class og Sporthússins ákváðu á endanum að opna en eigandi Hreyfingar kvaðst ekki ætla að nýta sér „glufu í reglugerð heilbrigðisráðuneytisins“. Fleiri líkamsræktarstöðvar á borð við Reebok Fitness, Hress og Heilsuklasann tóku sömu ákvörðun. Heilbrigðisráðherra hafnaði því í samtali við fréttastofu í fyrradag að farið hefði verið gegn tillögum sóttvarnalæknis. „Ég er ekki að fara gegn hans tillögum heldur í raun og veru að gæta jafnræðis milli rekstraraðila. Við Þórólfur höfum farið yfir þetta mál síðan og það er það er algjörlega sameiginlegur skilningur á málinu eins og það lítur út núna,“ sagði Svandís Svavarsdóttir heilbrigðisráðherra. Athugasemd: Viðtölin við framkvæmdastjóri UMFÍ og framkvæmdastjóra Heimilis og skóla voru tekin á þriðjudag. Reglur varðandi íþróttastarf og líkamsræktarstöðvar hafa ekkert breyst síðan þá. Hins vegar var í gærkvöldi ákveðið að heimila afreksíþróttastarf á höfuðborgarsvæðinu að uppfylltum skilyrðum. Faraldur kórónuveiru (COVID-19) Börn og uppeldi Íþróttir barna Samkomubann á Íslandi Líkamsræktarstöðvar Tengdar fréttir Telur að einstaklingsbundnum sóttvörnum hafi ekki verið gefinn séns „Ég er bara að benda á að menn hafa kannski ekki leyft einstaklingsbundnum sóttvörnum að hafa sín áhrif. Þessar harðari aðgerðir sem gripið hefur verið til með samkomubanni, lokun á sundstöðum og líkamsræktarstöðum, það hefur verið gripið til þeirra þegar útbreiðsla var á niðurleið,“ segir Sigríður Á. Andersen, þingmaður Sjálfstæðisflokksins. 21. október 2020 14:34 Ánægjulegt að nýgengið sé á niðurleið en hefur áhyggjur af opnun líkamsræktarstöðva Tæplega helmingur þeirra 45 sem greindust með kórónuveiruna innanlands í gær var í sóttkví. 21. október 2020 12:14 Segist ekki hafa látið undan þrýstingi með opnun líkamsræktarstöðva Heilbrigðisráðherra segist ekki hafa látið undan þrýstingi með opnun líkamsræktarstöðva. Hún hefur farið yfir málið með sóttvarnalækni. 20. október 2020 12:03 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Það þarf að stoppa svona menn áður en þeir drepa einhvern“ Innlent „Hvergi í verklagsreglum að við séum að reka fólk í burtu“ Innlent Fjölskylda í norðurljósaleit hrakin á brott af leiðsögumönnum Innlent Ísland að tapa í slagnum um ferðamenn Innlent Íbúar Hlíða velta fyrir sér dularfullum hvelli Innlent Stærsti gígurinn orðinn „formfagur“ Innlent Voru sérstaklega varaðir við árás frá ISKP Erlent Svipar til gamalla óupplýstra rána Innlent Hætt við framboð og vonast eftir þjóðhollum og guðræknum forseta Innlent Fullkomlega sáttur við ákvörðun sína en útilokar ekkert Innlent Fleiri fréttir Lýsisskip strandaði í Fáskrúðsfirði Stærsti gígurinn orðinn „formfagur“ Vilja einfalda fólki að komast til sjúkraþjálfara Vélsleðamaður lenti í snjóflóði Kvöldfréttir Stöðvar 2 Hætt við framboð og vonast eftir þjóðhollum og guðræknum forseta Ísland að tapa í slagnum um ferðamenn „Hvergi í verklagsreglum að við séum að reka fólk í burtu“ Aðstoða göngumann á Móskarðshnjúkum Íbúar Hlíða velta fyrir sér dularfullum hvelli Ísland sé í torfkofanum í meðferð alvarlegra atvika Ný og glæsileg skólaþyrping byggð á Hellu Hamfaragámur Bónus tryggir kældan mat í neyðarástandi Fullkomlega sáttur við ákvörðun sína en útilokar ekkert „Það þarf að stoppa svona menn áður en þeir drepa einhvern“ Hádegisfréttir Bylgjunnar Svipar til gamalla óupplýstra rána Sýknaður af ákæru um að hafa tekið í háls barns Bjartur skírdagur fram undan í höfuðborginni Líkamsárás til rannsóknar eftir nóttina Fjölskylda í norðurljósaleit hrakin á brott af leiðsögumönnum Vilja koma böndum á bókhald trúfélaga Ferðaóðir Íslendingar þyrpast í ferðalög innanlands sem utan Verulega brugðið yfir Hamraborgarmálinu Hátt í hundrað dauðsföll á þremur árum Týndi vinningshafinn gaf sig fram og græddi níu milljónir Felldu úr gildi friðlýsingu en mátu Mumma ekki vanhæfan Kvöldfréttir Stöðvar 2 Býr á Íslandi en dæmd í sex ára fangelsi í Rússlandi Eldur í Hafnarfirði Sjá meira
Foreldrum og aðstandendum íþróttastarfs barna þykir mörgum skjóta skökku við að börn fái ekki að stunda sínar skipulögðu íþróttir en líkamsræktarstöðvar fái að halda úti hóptímum. Eftir að ný reglugerð heilbrigðisráðherra tók gildi á þriðjdag sagði framkvæmdastjóri UMFÍ merkja ákveðna stefnubreytingu hjá stjórnvöldum; í fyrri bylgjum kórónuveirufaraldursins hafi kapp verið lagt á að halda barnastarfi í gangi en nú sitji börnin heima á meðan fullorðnir mæti í ræktina. Framkvæmdastjóri Heimilis og skóla kallaði við sama tilefni eftir skýrari reglum. Íþróttir barna „án snertingar og blöndunar“ leyfðar Í reglugerð heilbrigðisráðherra sem tók gildi í fyrradag er íþróttastarf á vegum Íþrótta- og ólympíusambands Íslands „sem krefst snertingar eða hætta er á snertingu milli fólks“ óheimilt á höfuðborgarsvæðinu. Íþrótta-, æskulýðs- og tómstundastarf barna á leik- og grunnskólaaldri, þar með talið skólasund, sem krefst meiri snertingar og frekari blöndunar hópa en í skólastarfi, er jafnframt óheimilt á höfuðborgarsvæðinu. Íþrótta- og tómstundastarf barna sem ekki krefst frekari blöndunar hópa en í skólastarfi er heimilt, einnig þótt í því felist snerting. Þetta á t.d. við um frímínútur í skólum og leikfimitímum. Talsverðrar óvissu hefur gætt um það hvernig íþróttastarfi barna skuli háttað innan ramma reglugerðarinnar. Það er þó ákvörðun þeirra sem stjórna íþrótta- og tómstundastarfi barna hvort þeir nýti sér það svigrúm sem reglugerðir ráðherra fela í sér, eða ekki. Fram kemur í tilkynningu frá UMFÍ á mánudag að staðið hafi til að íþróttastarf barna myndi hefjast að nýju á höfuðborgarsvæðinu á þriðjudag, að uppfylltum skilyrðum, en æfingar hafa legið niðri síðan í byrjun mánaðar. Af því varð þó ekki. Eftir „langan dag og yfirferð um ýmsar sviðsmyndir“ var loks ákveðið að öllum íþróttamannvirkjum og sundlaugum á vegum sveitarfélaga á höfuðborgarsvæðinu skyldi lokað á þriðjudag. Íþróttakennsla verði leyfð utandyra en skólasund falli niður. „Samfélagið á mikið undir því að það takist að halda skólastarfi gangandi. Því sé lögð áhersla á að takmarka blöndun barna og unglinga milli ólíkra leik- og grunnskóla höfuðborgarsvæðisins. Að öðrum kosti getur eitt smit leitt til að óþarflega stórir hópar eða fleiri en einn skóli þurfi að fara í einangrun eða sóttkví,“ segir í tilkynningu almannavarna um málið á mánudag. Innt eftir því að loknum ríkisstjórnarfundi í fyrradag hvaða íþróttir börn geti stundað utandyra innan þessara takmarkana kvaðst Svandís Svavarsdóttir heilbrigðisráðherra ekki vera sérfræðingur í því. Verið væri að vinna að útfærslum á þessu með þeim sem sinna íþróttastarfi barna. Hrefna Sigurjónsdóttir, framkvæmdastjóri Heimilis og skóla.Vísir/Baldur Áðurnefndar reglur um íþróttastarf barna hafa verið gagnrýndar, einkum í ljósi þess að líkamsræktarstöðvar fengu að opna á ný í fyrradag innan ramma reglugerðarinnar. Iðkendur stöðvanna mega nú sækja skipulagða hóptíma, að uppfylltri tveggja metra reglu, fjöldatakmörkunum og öðrum sóttvörnum. Þórólfur Guðnason sóttvarnalæknir lagði þó til í minnisblaði sínu að líkamsræktarstöðvar yrðu áfram lokaðar og talaði einnig fyrir því á upplýsingafundi almannavarna í fyrradag. Þess má þó geta að Þórólfur lagði einnig til í minnisblaði sínu að íþróttaiðkun á borð við crossfit og jóga undirgangist sömu takmarkanir og aðrar íþróttir, þ.e. að slík iðkun verði leyfð að því gefnu að hún feli ekki í sér snertingu og uppfylli önnur sóttvarnaskilyrði. Ráðuneytið komst að þeirri niðurstöðu að vegna jafnræðisreglu væri ekki hægt að heimila slíka iðkun hjá einum rekstraraðila en ekki hjá öðrum. Telur reglurnar ekki nógu skýrar Hrefna Sigurjónsdóttir framkvæmdastjóri Heimilis og skóla sagði í samtali við Vísi á þriðjudag að foreldrum þyki mörgum sérstakt að líkamsræktarstöðvar megi opna en að börn geti ekki stundað sínar skipulögðu íþróttir. Fótboltaæfingar barna hafa legið niðri á höfuðborgarsvæðinu undanfarnar vikur.Vísir/Hanna „Það sem ég held að sé samt aðalvandinn í þessu, og það sem foreldrum finnst erfiðast, er að þetta er orðið of flókið. Ef yfirvöld vilja fá fólk með sér í lið, fá fólk til að hlíta fyrirmælum, þurfa fyrirmælin að vera skýr. Ég held að allir hafi skilning á því að þetta sé af illri nauðsyn en það stingur í stúf þegar er misræmi í reglum og tilmælum. Það er skrýtið að framhaldsskólar séu lokaðir, að börn megi ekki vera saman á æfingum en svo opna líkamsræktarstöðvarnar.“ Meiri „frústrerasjón“ en áður Auður Inga Þorsteinsdóttir framkvæmdastjóri UMFÍ sagði sömuleiðis í samtali við Vísi á þriðjudag að reglugerðin opni á íþróttastarf án snertingar en minnisblað sóttvarnalæknis og tilmæli almannavarna á mánudagskvöld hafi verið á þann veg að starf fari ekki fram. Staðan í dag sé því skýr: engin starfsemi fer fram hjá félögunum. Mánudagurinn hafi hins vegar verið afar ruglingslegur; misræmi í minnisblaði sóttvarnalæknis og reglugerð ráðherra hafi verið óþægilegt. Auður Inga Þorsteinsdóttir, framkvæmdastjóri UMFÍ.UMFÍ „Ungmennafélögin og íþróttafélögin eru vön því að fara eftir reglum. En það sem lá ekkert fyrir var hvaða reglum ætti að fara eftir. Það er aðalruglingurinn. Því reglurnar í sjálfu sér eru ekki svakalega óskýrar en svo snýrðu þér við og þá eru þær reglur ekki í gildi heldur allt aðrar. Þar myndast núningurinn og samanburðurinn. Það sem við sjáum skapast meira og meira er „frústrerasjón“ og pirringur sem ætti að vera hægt að komast hjá. Ég heyri það á félögunum að það berast gríðarlega mörg símtöl og tölvupóstar til þeirra.“ Þá segir Auður að nú virðist hafa orðið ákveðin stefnubreyting hjá stjórnvöldum varðandi íþróttir og tómstundir barna. Skákæfingar á höfuðborgarsvæðinu liggja niðri en þó er hægt að stunda skák í hverjum skóla eða leikskóla fyrir sig.Vísir/Vilhelm „Ég veit ekki hvort þetta sé sú útkoma sem fólk ætlaði sér þegar farið var af stað en við gerum ekkert annað en að fylgja þeim reglum og fyrirmælum sem eru í gangi. En við veltum líka fyrir okkur að í þessum fyrri bylgjum var allt kapp lagt á að halda barna- og ungmennastarfinu í gangi, bæði íþrótta- og skólastarfinu, en nú erum við komin í þá stöðu að börnin sitja heima á meðan fullorðnir eru komnir í ræktina. Það er ákveðin þversögn. En ég held að það sé ekki til neins fyrir okkur að hengja okkur í því,“ segir Auður. Ef til vill röng nálgun Bryndís Sigurðardóttir smitsjúkdómalæknir benti á það í útvarpsþættinum Bítinu á mánudag að börn virðist smita minna sín á milli en fullorðnir, nokkuð sem sóttvarnalæknir hefur einnig nefnt ítrekað á upplýsingafundum. Þá sagði Bryndís að ekkert benti til þess að þau börn sem smitast af veirunni eigi eftir að glíma við vandamál til langs tíma líkt og fullorðnir. Bryndís veltir fyrir sér hvort það sé röng nálgun að leyfa börnum ekki að æfa sínar íþróttir vitandi þó það að þau séu úti að leika sér á daginn.Vísir Bryndís setti í því samhengi spurningarmerki við að mörg hundruð grunnskólabörn þurfi að fara í sóttkví þegar eitt barn í skólanum greinist með kórónuveiruna, líkt og dæmi eru um á síðustu vikum. Ef til vill væri of langt gengið í þeim sóttvarnaaðgerðum sem takmarka þátttöku barna í íþróttum og skólastarfi. „Við langflest sem þekkjum börn eða eigum börn erum tilbúin að leggja ansi mikið á okkur til þess að líf okkar barna og unglinga séu sem eðlilegust. Hugsanlega þarf aðeins að endurskoða eitthvað af þessu. Núna er ég að tala um grunnskólabörn. Það sem er á allra vörum undanfarna daga eru æfingar þeirra eða útivist og svo framvegis. Maður veit að grunnskólabörn eru flest, ef þau eru ekki í sóttkví þá eru þau í skóla, sem ég fagna og mér finnst vera eðlilegast í þessu ástandi sem við eigum við hérna á Íslandi sem er gott. En að leyfa þeim ekki að æfa sínar íþróttir, vitandi þó það að þau séu úti að leika sér á daginn, það er kannski, ég veit það ekki, röng nálgun,“ sagði Bryndís. Óhætt er að segja að reglugerð heilbrigðisráðherra sem tók gildi á þriðjudag sé ein sú umdeildasta frá því að faraldurinn hófst. Líkt og rakið er að framan hefur mjög borið á því að reglurnar þyki óskýrar, einkum með tilliti til íþróttastarfs barna og líkamsræktarstöðva. Þá hefur þótt misræmi í reglunum og minnisblaði sóttvarnalæknis, sem reynst hefur mörgum fjötur um fót. Þannig voru eigendur líkamsræktarstöðva óvissir um það allt fram á mánudag hvort þeir mættu opna stöðvar sínar fyrir hóptímum í gær. Eigendur World Class og Sporthússins ákváðu á endanum að opna en eigandi Hreyfingar kvaðst ekki ætla að nýta sér „glufu í reglugerð heilbrigðisráðuneytisins“. Fleiri líkamsræktarstöðvar á borð við Reebok Fitness, Hress og Heilsuklasann tóku sömu ákvörðun. Heilbrigðisráðherra hafnaði því í samtali við fréttastofu í fyrradag að farið hefði verið gegn tillögum sóttvarnalæknis. „Ég er ekki að fara gegn hans tillögum heldur í raun og veru að gæta jafnræðis milli rekstraraðila. Við Þórólfur höfum farið yfir þetta mál síðan og það er það er algjörlega sameiginlegur skilningur á málinu eins og það lítur út núna,“ sagði Svandís Svavarsdóttir heilbrigðisráðherra. Athugasemd: Viðtölin við framkvæmdastjóri UMFÍ og framkvæmdastjóra Heimilis og skóla voru tekin á þriðjudag. Reglur varðandi íþróttastarf og líkamsræktarstöðvar hafa ekkert breyst síðan þá. Hins vegar var í gærkvöldi ákveðið að heimila afreksíþróttastarf á höfuðborgarsvæðinu að uppfylltum skilyrðum.
Faraldur kórónuveiru (COVID-19) Börn og uppeldi Íþróttir barna Samkomubann á Íslandi Líkamsræktarstöðvar Tengdar fréttir Telur að einstaklingsbundnum sóttvörnum hafi ekki verið gefinn séns „Ég er bara að benda á að menn hafa kannski ekki leyft einstaklingsbundnum sóttvörnum að hafa sín áhrif. Þessar harðari aðgerðir sem gripið hefur verið til með samkomubanni, lokun á sundstöðum og líkamsræktarstöðum, það hefur verið gripið til þeirra þegar útbreiðsla var á niðurleið,“ segir Sigríður Á. Andersen, þingmaður Sjálfstæðisflokksins. 21. október 2020 14:34 Ánægjulegt að nýgengið sé á niðurleið en hefur áhyggjur af opnun líkamsræktarstöðva Tæplega helmingur þeirra 45 sem greindust með kórónuveiruna innanlands í gær var í sóttkví. 21. október 2020 12:14 Segist ekki hafa látið undan þrýstingi með opnun líkamsræktarstöðva Heilbrigðisráðherra segist ekki hafa látið undan þrýstingi með opnun líkamsræktarstöðva. Hún hefur farið yfir málið með sóttvarnalækni. 20. október 2020 12:03 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Það þarf að stoppa svona menn áður en þeir drepa einhvern“ Innlent „Hvergi í verklagsreglum að við séum að reka fólk í burtu“ Innlent Fjölskylda í norðurljósaleit hrakin á brott af leiðsögumönnum Innlent Ísland að tapa í slagnum um ferðamenn Innlent Íbúar Hlíða velta fyrir sér dularfullum hvelli Innlent Stærsti gígurinn orðinn „formfagur“ Innlent Voru sérstaklega varaðir við árás frá ISKP Erlent Svipar til gamalla óupplýstra rána Innlent Hætt við framboð og vonast eftir þjóðhollum og guðræknum forseta Innlent Fullkomlega sáttur við ákvörðun sína en útilokar ekkert Innlent Fleiri fréttir Lýsisskip strandaði í Fáskrúðsfirði Stærsti gígurinn orðinn „formfagur“ Vilja einfalda fólki að komast til sjúkraþjálfara Vélsleðamaður lenti í snjóflóði Kvöldfréttir Stöðvar 2 Hætt við framboð og vonast eftir þjóðhollum og guðræknum forseta Ísland að tapa í slagnum um ferðamenn „Hvergi í verklagsreglum að við séum að reka fólk í burtu“ Aðstoða göngumann á Móskarðshnjúkum Íbúar Hlíða velta fyrir sér dularfullum hvelli Ísland sé í torfkofanum í meðferð alvarlegra atvika Ný og glæsileg skólaþyrping byggð á Hellu Hamfaragámur Bónus tryggir kældan mat í neyðarástandi Fullkomlega sáttur við ákvörðun sína en útilokar ekkert „Það þarf að stoppa svona menn áður en þeir drepa einhvern“ Hádegisfréttir Bylgjunnar Svipar til gamalla óupplýstra rána Sýknaður af ákæru um að hafa tekið í háls barns Bjartur skírdagur fram undan í höfuðborginni Líkamsárás til rannsóknar eftir nóttina Fjölskylda í norðurljósaleit hrakin á brott af leiðsögumönnum Vilja koma böndum á bókhald trúfélaga Ferðaóðir Íslendingar þyrpast í ferðalög innanlands sem utan Verulega brugðið yfir Hamraborgarmálinu Hátt í hundrað dauðsföll á þremur árum Týndi vinningshafinn gaf sig fram og græddi níu milljónir Felldu úr gildi friðlýsingu en mátu Mumma ekki vanhæfan Kvöldfréttir Stöðvar 2 Býr á Íslandi en dæmd í sex ára fangelsi í Rússlandi Eldur í Hafnarfirði Sjá meira
Telur að einstaklingsbundnum sóttvörnum hafi ekki verið gefinn séns „Ég er bara að benda á að menn hafa kannski ekki leyft einstaklingsbundnum sóttvörnum að hafa sín áhrif. Þessar harðari aðgerðir sem gripið hefur verið til með samkomubanni, lokun á sundstöðum og líkamsræktarstöðum, það hefur verið gripið til þeirra þegar útbreiðsla var á niðurleið,“ segir Sigríður Á. Andersen, þingmaður Sjálfstæðisflokksins. 21. október 2020 14:34
Ánægjulegt að nýgengið sé á niðurleið en hefur áhyggjur af opnun líkamsræktarstöðva Tæplega helmingur þeirra 45 sem greindust með kórónuveiruna innanlands í gær var í sóttkví. 21. október 2020 12:14
Segist ekki hafa látið undan þrýstingi með opnun líkamsræktarstöðva Heilbrigðisráðherra segist ekki hafa látið undan þrýstingi með opnun líkamsræktarstöðva. Hún hefur farið yfir málið með sóttvarnalækni. 20. október 2020 12:03