Tónlist

Innblásin af ímynduðu matarboði með Björgvini og Eddu

Sylvía Rut Sigfúsdóttir skrifar
Una Stef og Babies flokkurinn senda frá sér nýtt lag í dag. Lagið nefnist Með þér.
Una Stef og Babies flokkurinn senda frá sér nýtt lag í dag. Lagið nefnist Með þér. Aðsendar myndir

„Leikstjórinn Óli Finnsson hringdi í mig og spurði hvort ég væri til í að semja „feel-good“ þemalag fyrir þætti sem hann var að gera með mæðginunum Björgvini Franz og Eddu Björgvins,“ segir tónlistarkonan Una Stefánsdóttir um lagið Með þér sem kom út í dag. Lagið er þemalag þáttanna Ísbíltúr með mömmu en fyrsti þáttur mæðginanna Eddu Björgvins og Björgvin Franz Gíslasonar fer í loftið í kvöld. 

„Mér hefur aldrei fundist hugtakið „feel-good“ passa jafn vel við neina eins og þau tvö enda algerir ljósberar og gleðigjafar. Í þáttunum eru þau á rúntinum á gömlum fjölskyldubíl að rifja upp alls konar sögur og lenda í stórkostlegum ævintýrum,“ segir Una. 

„Textann vann ég út frá konsepti þáttarins en grúvið sjálft var 100 prósent inspírerað af því hvernig ég held að það sé að vera í matarboði með Björgvini og Eddu. Mér fannst svo einstaklega viðeigandi að fá hæfileikaríku vini mína í Babies flokknum til að vinna lagið með mér því enginn er betri í „feel-good“ en þeir. Þeir komu stemningunni í nýjar hæðir og við erum virkilega ánægð með útkomuna. Við viljum allavega meina að þetta sé fullkomið lag til að rúnta við.

Fyrsti þáttur af Ísbíltúr með mömmu verður í kvöld á Stöð 2, kl. 19:10 en lagið Með þér má heyra í spilaranum hér fyrir neðan.

Klippa: Með þér - Una Stef og Babies flokkurinn

Textinn við lagið með þér: 

Manstu þegar sjónvarpið tók sér fimmtudagsfrí?

Eða þegar Ringo spilaði í Atlavík?

Vigdís vakti yfir okkur sterk

og farsímaleysið var yndislegt. Túberuð á rúntinum við söfnuðum minningum

Með þér er lífið yndislegt

Með þér er lífið stórkostlegt

Kannski verða flugbílar á Hvammstanga

Eflaust verðum við heimsmeistarar í fótbolta

Ég veit þú verður ennþá hér hjá mér

því ást okkar er jú órjúfanleg

Hring eftir hring við búum til nýjar minningar

Með þér…


Tengdar fréttir

„Andi pabba sveif svo sannarlega þarna yfir vötnum“

Mæðginin Edda Björgvins og Björgvin Franz eru að byrja með nýja þætti á Stöð 2 en tökum á þeim lauk daginn sem Gísli Rúnar, fyrrverandi eiginmaður Eddu og faðir Björgvins, lést. Þættirnir eru því tileinkaðir Gísla Rúnari.






Fleiri fréttir

Sjá meira


×