Innlent

Til­kynnt um fjölda líkams­á­rása í mið­bænum í nótt

Atli Ísleifsson skrifar
Lögregla á höfuðborgarsvæðinu fór í fjölmörg útköll í nótt.
Lögregla á höfuðborgarsvæðinu fór í fjölmörg útköll í nótt. vísir/vilhelm

Lögregla á höfuðborgarsvæðinu var fimm sinnum kölluð út vagna líkamsárása á skemmtistöðum í miðborg Reykjavíkur í nótt.

Árásirnar áttu sér allar stað milli klukkan þrjú og hálf fimm í nótt að því er fram kemur í dagbók lögreglu.

Um klukkan 22:30 í gærkvöldi var óskað eftir aðstoð lögreglu að skemmtistað í Kópavogi, en þar hafði manni verið vísað frá vegna óláta. Eftir að hafa verið vísað út veittist einstaklingurinn að fólki utan við staðinn og henti munum í húsnæðið.

Þar segir ennfremur frá því lögregla hafi verið kölluð út i nótt vegna innbrota í fyrirtæki í hverfum 104 og 108 í Reykjavík og svo í Kópavogi.

Einnig þurfti lögregla á höfuðborgarsvæðinu að sinna útköllum vegna hálkuslysa, rúðubrota, ölvunar- og fíkniefnaaksturs og slagsmála í stigagangi fjölbýlishúss.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.