Mata frábær í öruggum sigri

Newcastle reyndist ekki mikil fyrirstað fyrir Manchester United sem vann sinn annan deildarleik í röð með 4-0 sigri á St. James' Park.

Spánverjinn Juan Mata fór mikinn í leiknum en hann kom sínum mönnum á bragðið með frábæru marki, beint úr aukaspyrnu, á 39. mínútu.

Hann bætti svo við öðru marki í upphafi síðari hálfleiks af stuttu færi eftir undirbúning Shinji Kagawa og Javier Hernandez.

Hernandez skoraði svo sjálfur stuttu síðar eftir sendingu Kagawa áður en Mata lagði upp fjórða markið með frábærri hælsendingu fyrir varamanninn Adnan Januzaj.

United er komið upp í sjötta sæti deildarinnar með 57 stig en Newcastle, sem hefur tapað þremur leikjum í röð, er í níunda sætinu með 46 stig.

Juan Mata kom United yfir með frábæru marki í fyrri hálfleik: