Annar stór skjálfti í Grikklandi

Tveir stórir jarðskjálftar riðu yfir Grikkland í dag, sá fyrri var 6,7 á Richter en eftirskjálftinn var 6,4. Fólk flúði byggingar í skjálftunum í suðurhluta landsins og fannst meðal annars vel í höfuðborginni Aþenu og á eyjun Krít.

Fyrri skjálftinn varð klukkan 10 að íslenskum tíma og stóð yfir í um 15 sekúndur samkvæmt heimildum Reuters fréttastofunnar. Upptök skjálftannna voru á hafsbotni suður af borginni Kalamata á Pelopsskaga. Sérfræðingar og yfirvöld höfðu hvatt íbúa til að fara út úr byggingum og halda sig úti þar til seinni skjálftinn riði yfir.

Engar fréttir eru af slysum á fólki eða skemmdum á byggingum samkvæmt heimildum grískra fjölmiðla.

Jarðskjálftar eru tíðir í Grikklandi. Síðasti stóri jarðskjálfti reið yfir landið árið 1999 og varð 100 manns að bana.