Skoraði tvö um helgina og nú bíður hans samningur upp á 100 þúsund pund á viku

Chelsea er tilbúið að gefa sóknarmanninum Tammy Abraham nýjan samning og myndi hann því tvöfalda laun sín hja félaginu.

Abraham skoraði tvö mörk um helgina er Chelsea vann 3-2 sigur á Norwich í fyrsta sigurleik Frank Lampard sem stjóra Chelsea.

Chelsea er nú þegar byrjað að undirbúa nýtt samningstilboð fyrir Abraham. Hann er nú með 50 þúsnd pund á viku en nýr samningur myndi gefa honum 100 þúsund pund.

Tammy Abraham is in line to earn a new Chelsea contract that could more than double his £50,000-a-week wages | @Matt_Law_DThttps://t.co/QWewu2f2Gy

— Telegraph Football (@TeleFootball) August 26, 2019

Abraham á þó enn þrjú ár eftir af samningi sínum við félagið en Chelsea vill tryggja sér starfskrafta hans til lengri tíma.

Hann skoraði 26 mörk á láni hjá Aston Villa á síðustu leiktíð og hjálpaði liðinu aftur í deild þeirra bestu.