Rodgers búinn að skrifa undir hjá Leicester

Leicester hefur staðfest að Brendan Rodgers muni taka við liðinu en hann skrifaði undir samning við liðið nú í kvöld.

Claude Puel var rekinn á sunnudaginn og eins og Vísir greindi frá í kvöld var Rodgers efstur á óskalista Leicester.

#WelcomeBrendan

— Leicester City (@LCFC) February 26, 2019

Rodgers og Leicester hafa nú komist að samkomulagi og skrifaði Rodgers í kvöld undir þriggja og hálfs árs samning við Leicester.

Hann verður í stúkunni í kvöld er Leicester tekur á móti Brighton en gæti stýrt sínum fyrsta leik á sunnudaginn er Leicester heimsækir Watford.