Jordan Pickford hefur fengið boltann næstum því jafnoft og Gylfi

Gylfi Þór Sigurðsson hefur ekki verið nógu mikið í boltanum í fyrstu fimm leikjum Everton á tímabilinu og tölfræðin sýnir það.

144 leikmenn í ensku úrvalsdeildinni hafa fengið boltann oftar en íslenski landsliðsmaðurinn Gylfi Þór Sigurðsson í fyrstu fimm umferðum tímabilsins.

Gylfi þarf að vera með boltann til að búa eitthvað til því ekki er hann þekktur fyrir að stinga menn af inn á vellinum eða að stinga sér inn fyrir varnir andstæðinganna.

Tölfræðin sýnir það svart á hvítu að Everton gengur ekki nógu vel að koma boltanum á leikstjórnandann sinn fyrir aftan fremstu menn.

Gylfi hefur fengið boltann alls 201 sinni á leiktíðinni en alls hafa sjö leikmenn Everton fengið hann oftar. Markvörðurinn JordanPickford hefur þannig fengið boltann 200 sinnum eða aðeins einu sinni sjaldnar en Gylfi.

Gylfi Þór Sigurðsson er búinn að spila 392 mínútur af 450 mínútum í boði í fyrstu fimm umferðunum. Hann hefur ekki enn náð að skora mark en er búinn að gefa eina stoðsendingu.

Gylfi kom með beinum hætti að 19 af 54 mörkum Everton á síðustu leiktíð (35 prósent - 13 mörk og 6 stoðsendingar í 38 leikjum) en hefur komið að 1 af 5 mörkum liðsins á þessari leiktíð (20 prósent). Þetta er minna hlutfall en aðalástæðan er væntanlega bitleysi Everton sóknarinnar í heild sinni.

Vandamálið nær því í rauninni yfir allt liðið því Everton er ekki að skora neitt af mörkum í upphafi tímabilsins eða aðeins eitt mark að meðaltali í leik.  

Kannski væri góð byrjun að reyna að koma boltann meira inn á Gylfa og sjá hverju því skilar.

AndrewRobertson, bakvörður Liverpool, hefur fengið boltann oftast í ensku úrvalsdeildinni til þessa eða 539 sinnum en bakvörðurinn hinum megin, Trent Alexander-Arnold, er síðan í 5. sætinu með 450 snertingar. Á milli þeirra eru síðan þeir OleksandrZinchenko hjá ManchesterCity, RicardoPereira hjá LeicesterCity og TobyAlderweireld hjá Tottenham.

Leikmenn Everton sem hafa fengið boltann oftast á leiktíðinni til þessa:

(Samkvæmt opinberri tölfræði ensku úrvalsdeildarinnar)

1. SéamusColeman 412

2. LucasDigne 383

3. Michael Keane 340

3. YerryMina 340

5. Richarlison 259

6. AndréGomes 256

7. MorganSchneiderlin 225

8. Gylfi Þór Sigurðsson 201

9. JordanPickford 200

10. Bernard 159

11. FabianDelph 153

12. Alex Iwobi 107

13. DominicCalvert-Lewin 106

14. Jean-PhilippeGbamin 94

15. MoiseKean 69

16. TheoWalcott 28

17. MasonHolgate 13

18. Tom Davies