„Fabregas breytti enskum fótbolta“

Cesc Fabregas lék sinn síðasta leik fyrir Chelsea á laugardaginn er liðið vann 2-0 sigur á Nottingham Forest í enska bikarnum.

Spánverjinn gekk í raðir Chelsea 2014 en nú er talið að hann sé að ganga í raðir Mónakó í Frakklandi. Það hefur ekki verið staðfest en látbrögð hans á laugardaginn gáfu það í skyn.

Fabregas hefur gengið erfiðlega að brjótast inn í byrjunarliðið hjá Maurizio Sarri það sem af er leiktíðinni. Hann hefur einungis tekið þátt í sex úrvalsdeildarleikjum það sem af er tímabili, þar af fimm sem varamaður.

En hvernig verður Fabregas minnst á Englandi? Sky Sports ræddi við knattspyrnuspekinga og Rob Draper, ritstjóri Mail on Sunday, sem bar Fabregas vel söguna.

„Einn af mínum uppáhalds leikmönnum að horfa á og hann breytti enskum fótbolta á tvo vegu,“ sagði Rob og hélt áfram: „Arsenal sá hann hjá Barcelona og sá að hann var að renna út af samningi. Þeir fengu hann yfir og þá opnuðust flóðgáttir.“

„Öll félagin héldu þá að það ætti bara að sækja leikmenn til Barcelona eða Real Madrid. Flest af því mistókst en Fabregas var svo góður að flestir héldu að hann væri ímyndin; farðu og sæktu leikmenn sem eru sextán ára hjá Barcelona.“

„Það tók tíu ár fyrir fólk að átta sig á því að Fabregas var sérstakur og það að sækja leikmenn til þessara félaga var ekki að virka.“

„Í öðru lagi þá vorum við að tala um fyrir fimmtán árum hvernig fótboltinn væri að breytast stóra og sterka miðjumenn eins og Patrick Viera. Hann kom og opnaði dyrnar fyrir leikmenn eins og sig.“

„Áður en Pep Guardiola kom og breytti þessu þá voru það Fabregas og Arsene Wenger sem voru að gera það fyrir tíu árum síðan,“ sagði Rob.