Úlfarnir björguðu andlitinu á síðustu stundu

Swansea, Doncaster Rovers og Watford verða á meðal þátttakenda í 16-liða úrslitum enska bikarsins eftir að hafa unnið leiki sína í dag. Ansi mörg lið þurfa hins vegar að mætast aftur.

Úlfarnir björguðu andlitinu á síðustu stundu en lengi vel leit út fyrir að þeir myndu falla úr leik fyrir C-deildarliði Shrewsbury þar sem þeir lentu 2-0 undir. Mörk frá Raul Jimenez og Matt Doherty á lokakafla leiksins tryggðu Úlfunum hins vegar annan leik.

Brighton þarf að mæta WBA að nýju þar sem þau gerðu markalaust jafntefli í dag. Middlesbrough gerði 1-1 jafntefli við Newport County og sömu sögu er að segja af Portsmouth og QPR.

Úrslit dagsins í enska bikarnum

Swansea 4 - 1 Gillingham

Shrewsbury 2 - 2 Wolves

Brighton 0 - 0 West Brom

Doncaster Rovers 2 - 1 Oldham Athletic

Middlesbrough 1 - 1 Newport

Manchester City 5 - 0 Burnley

Portsmouth 1 - 1 QPR

Newcastle 0 - 2 Watford