Sjáðu líklega versta innkast fótboltasögunnar

Einföld innköst í knattspyrnuleikjum komast sjaldan í einhverja tilþrifa- eða grínpakka nema þá ef þau mistakast skelfilega. Það verður að erfitt að toppa eitt innkast í enska sunnudagsfótboltanum um síðustu helgi.

Palmers FC er eitt áhugamannaliðanna sem keppir í sunnudagsfótboltanum í Englandi og um helgina náðist mjög fyndið atvik á myndband í leik liðsins.

Palmers FC setti atvikið inn á Instagram síðu sína og bætti því við að leikmaður liðsins, Jordan Shea, væri að leita að betri tökkum á skóna eða bara einhverju sem hjálpaði honum.

Ástæðan fyrir þessu skoti er innkast Jordan Shea sem má sjá í myndbandinu hér fyrir neðan. Þetta er mögulega og mjög líklega versta innkast fótboltasögunnar.

Það er erfitt að skella ekki upp úr við að sjá þetta innkast eins og heyra mátti á myndatökumanninum sjálfum.

 

 

 

View this post on Instagram

Studs or Moulds? In the case of our very own Jordan, anything will do! #PalmersFC

A post shared by Palmers FC (@palmers_fc) on Feb 26, 2019 at 9:15am PST