Grealish: Alltaf dreymt um að spila á Old Trafford

Jack Grealish gaf stuðningsmönnum Manchester United undir fótinn í viðtali við Sky Sports þar sem hann sagðist hafa dreymt um að spila á Old Trafford.

Grealish hefur verið orðaður frá Aston Villa, uppeldisfélagi hans, og hann sagði sjálfur að hann hefði ekki verið þar áfram nema af því Villa komst upp í úrvalsdeildina.

„Ég vissi það að ef við hefðum tapað úrslitaleiknum þá hefði ég ekki farið í Villa treyjuna aftur.“

Hann hefur spilað vel fyrir Villa í úrvalsdeildinni í vetur og skoraði meðal annars frábært mark gegn Manchester United.

„Þetta er uppáhalds markið mitt á ferlinum,“ sagði Grealish.

„Ég hef alltaf viljað spila á Old Trafford. Ég spilaði þar í úrslitaleik með varaliðinu en það er ekki það sama.“