Neymar var mættur í byrjunarliðið hjá PSG eftir að hafa glímt við meiðsli undanfarnar vikur en hann skellti sér meðal annars til Spánar í landsleikjafríinu.
Mauro Icardi skoraði fyrsta mark leiksins eftir stoðsendingu fyrrum samherja Gylfa Sigurðssonar, Idrissa Guye, en markið leit dagsins ljós á sautjándu mínútu leiksins.
Annað markið kom á þeirri 31. en þá skoraði Argentínumaðurinn Angel Di Maria eftir undirbúning frá Þjóðverjanum Julian Draxler. Lokatölur 2-0.
points as @MauroIcardi and Di Maria score!#PSGLOSCpic.twitter.com/41L5l5ZFkD
— Paris Saint-Germain (@PSG_English) November 22, 2019
PSG er með ellefu stiga forskot á toppi deildarinnar en Marseille er í öðru sætinu með 22. Lille er í sjötta sætinu með 19 stig.
