Bíó og sjónvarp

Sjáðu mjög svo vandræðalega stiklu úr Klovn myndinni sem tekin var upp hér á landi

Stefán Árni Pálsson skrifar
Frank í veseni.
Frank í veseni.

Þeir Casper Christensen og Frank Hvam voru hér á landi í byrjun október til að taka upp efni fyrir nýjustu Klovn myndina sem hefur fengið nafnið Klovn the Final.

Vísir greindi frá því á sínum tíma að þeir hafi tekið upp atriði fyrir utan Bláa lónið. Á síðasta ári kom út sjöunda þáttaröðin af Klovn og telja margir aðdáendur að sú þáttaröð hafi verið ein sú besta.

Danirnir hafa einnig gefið út tvær kvikmyndir í tengslum við Klovn-þættina en árið 2010 kom út myndin Klovn og árið 2015 kom út Klovn: Forever.

Grínþættirnir Klovn hófu göngu sína árið 2005 og hafa slegið rækilega í gegn meðal Íslendinga.

Kvikmyndin fjallar um fimmtugsafmæli Frank Hvam en hér að neðan má sjá fyrstu stikluna úr kvikmyndinni en hún er tekin upp á Kastrup flugvellinum þar sem þeir félagar eru á leið til Íslands. Stiklan er heldur betur vandræðaleg. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.