Erlend kona var í lok október handtekin í Flugstöð Leifs Eiríkssonar eftir að tollgæsla stöðvaði hana vegna gruns um fíkniefnasmygl.



Þegar lögreglan á Suðurnesjum fylgdi konunni upp á lögreglustöð skilaði hún af sér um það bil þrjátíu pakkningum af kókaíni sem reyndust vera alls tæp 400 grömm af efninu.



Konan var úrskurðuð í gæsluvarðhald á meðan rannsókn málsins fór fram en að sögn Lögreglustjórans á Suðurnesjum er rannsóknin á lokastigum.