Innlent

Ragnar Þór endurkjörinn formaður LÍV

Sylvía Rut Sigfúsdóttir skrifar
Ragnar Þór Ingólfsson var í dag endurkjörinn formaður LÍV.
Ragnar Þór Ingólfsson var í dag endurkjörinn formaður LÍV. VR
31.þingi Landssambands íslenzkra verzlunarmanna lauk á Akureyri í dag. Helstu málefni þingsins voru atvinnulýðræði, stytting vinnuvikunnar og fjórða iðnbyltingin. Á fundinum var samþykkt ályktun um að nauðsynlegt sé að auka atvinnulýðræði til þess að bregðast við breytingum vegna fjórðu iðnbyltingarinnar. Í frétt á vef VR kemur fram að Ísland standi langt að baki þeim löndum sem við viljum bera okkur saman við að þessu leyti og teljum við tíma til kominn að við stöndum þeim jafnfætis.

Ragnar Þór Ingólfsson, formaður VR, var endurkjörinn formaður LÍV en engin mótframboð bárust.

Hér að neðan má lesa ályktun þingsins í heild sinni.

„31. þing Landssambands íslenzkra verzlunarmanna telur að nauðsynlegt sé að auka atvinnulýðræði til þess að bregðast við þeim breytingum sem við nú stöndum frammi fyrir vegna þess sem nefnt hefur verið einu nafni fjórða iðnbyltingin. Ísland stendur langt að baki þeim löndum sem við viljum bera okkur saman við að þessu leyti og teljum við tíma til kominn að við stöndum þeim jafnfætis. Vinna hefur nú þegar hafist innan aðildarfélaga LÍV við að móta stefnu og hugmyndir um framkvæmd atvinnulýðræðis hérlendis. Er þetta gert til þess að tryggja að afrakstur tækniframþróunar skili sér til launafólks og samfélagsins alls.“


Tengdar fréttir

FA og VR/LÍV undirrita kjarasamning

Samningurinn, sem gildir til fyrsta nóvember 2022, er í meginatriðum samsvarandi svonefndum lífskjarasamningi VR og Samtaka atvinnulífsins, hvað varðar launa- og vinnutímabreytingar.




Fleiri fréttir

Sjá meira


×