Það hefur ekki enn komið staðfesting frá UFC en Gilbert Burns segist vera búinn að skrifa undir samning um að berjast við Gunnar Nelson þann 28. september í Kaupmannahöfn.



Um helgina byrjaði það að leka út að samningurinn væri í höfn. Ofanritaður spurði Burns á Twitter hvort það væri búið að skrifa undir samninginn og hann svaraði því játandi.

Let’s go @ufc Copenhagen Denmark  Co main event against Gunnar Nelson! Another 2 weeks notice let’s go September 28!  pic.twitter.com/Dp9AHfenm4

— GILBERT BURNS DURINHO (@GilbertDurinho) September 16, 2019

Í nótt setti hann svo á Twitter tilkynningu fyrir aðdáendur sína að hann væri að fara að berjast við Gunnar. Það virðist því allt vera klárt af hans hálfu.



Okkar maður hafði áður samþykkt að Burns kæmi í staðinn fyrir Thiago Alves sem varð að draga sig úr bardaganum vegna veikinda.