Gylfi fékk lof frá Sky Sports og Liverpool Echo: „Þetta er það sem Everton þarf frá Gylfa“

Gylfi Þór Sigurðsson fékk átta í einkunn bæði hjá Sky Sports og Liverpool Echo fyrir frammistöðuna sína gegn Wolves í enska boltanum í gær.

Gylfi lagði upp eitt mark í leiknum er Everton vann 3-2 sigur á Wolves í afar fjörugum leik. Brasilíumaðurinn Richarlison skoraði sigurmarkið.

Hafnfirðingurinn átti þátt í þremur af fjórum mörkum Everton í bikarleiknum gegn Lincoln í vikunni og frábær sending hans á kollinn á Iwobi skilaði marki í gær.

Gylfi Sigurdsson’s stats against Wolves:

Touches - 52

Assists - 1

Successful passes - 21

Successful attacking third passes - 10

Chances created - 5

Pass accuracy - 72%

Recoveries - 3

Successful tackles - 1

Clearances - 1

Fouls suffered - 1#EFC#EVEWOL

— EFC Statto (@EFC_Statto) September 1, 2019

Liverpool Echo, staðarblaðið í Bítlaborginni, var ekki hrifið af frammistöðu Gylfa í vikunni en þeir heilluðust af Gylfa í gær.

„Frábær stoðsending í marki Alex Iwobi og yfir höfuð var hann meiri þáttakandi en á síðustu vikum. Olli vandræðum í öftustu línu Wolves og þetta er það sem þeir bláklæddu þurfa frá honum,“ sagði Echo.