Smalling á leið til Ítalíu

Chris Smalling er á förum til Roma frá Manchester United samkvæmt heimildum Sky á Ítalíu.

Smalling verður lánaður til Roma út tímabilið. Rómverjar borga 2,7 milljónir punda fyrir lánssamninginn.

Miðvörðurinn flýgur væntanlega til Rómar í dag þar sem hann gengst undir læknisskoðun.

Smalling hefur ekki verið í leikmannahópi United í fyrstu þremur leikjum liðsins í ensku úrvalsdeildinni.

Hann hefur verið hjá United síðan 2010 og tvisvar orðið Englandsmeistari með liðinu.

Roma gerði 3-3 jafntefli við Genoa í 1. umferð ítölsku úrvalsdeildarinnar.