Menning

Ríkharður III sigurvegari kvöldsins

Sylvía Hall skrifar
Brynhildur Guðjónsdóttir vann verðlaun fyrir leikstjórn ársins en hún leikstýrði Ríkharði III.
Brynhildur Guðjónsdóttir vann verðlaun fyrir leikstjórn ársins en hún leikstýrði Ríkharði III. Fréttablaðið/Eyþór
Sýningin Ríkharður III var sigurvegari kvöldsins þegar Grímuverðlaunin fóru fram í Þjóðleikhúsinu í kvöld. Sýningin var tilnefnd í átta flokkum og stóð uppi sem sigurvegari í sex þeirra.



Verkið fór heim með verðlaun í flokknum sýning ársins og þá vann Brynhildur Guðjónsdóttir verðlaun fyrir leikstjóra ársins en hún leikstýrði sýningunni. Hjörtur Jóhann Jónsson, sem fer með hlutverk Ríkharðs, vann verðlaunin fyrir leikara ársins.



Þá vann sýningin verðlaun fyrir leikmynd ársins en það var Ilmur Stefánsdóttir sem stóð að henni. Filippía I. Elísdóttir hlaut verðlaun fyrir búningahönnun sýningarinnar og Björn Bergsteinn Guðmundsson fyrir lýsingu.



Sýningin Matthildur fékk tvenn verðlaun en það var hún Vala Kristín Eiríksdóttir sem fékk verðlaun sem leikkona ársins í aukahlutverki og Lee Proud, danshöfundur sýningarinnar, fékk verðlaun fyrir dans- og sviðshreyfinar ársins.



Ronja Ræningjadóttir var valin barnasýning ársins og Club Romantica fékk verðlaun fyrir leikrit ársins. Stefán Hallur Stefánsson fékk verðlaunin leikari ársins fyrir hlutverk sitt í sýningunni Samþykki og Sólveig Guðmundsdóttir var valin leikkona ársins í aðalhlutverki fyrir hlutverk sitt í sýningunni Rejúníon.



Borgarleikhúsið var því sigursælast leikhúsanna með níu verðlaun í kvöld en Þjóðleikhúsið fór heim með þrjú verðlaun fyrir sýningarnar Einræðisherrann, Ronja ræningjadóttir og Samþykki.

Hjörtur Jóhann Jónsson í hlutverki Ríkharðs III.Borgarleikhúsið
Sýning ársins

Ríkharður III eftir William Shakespeare. Þýðing: Kristján Þórður Hrafnsson. Sviðsetning: Borgarleikhúsið.



Leikrit ársins

Club Romantica eftir Friðgeir Einarsson. Sviðsetning: Leikhópurinn Abendshow og Borgarleikhúsið.



Leikstjóri ársins

Brynhildur Guðjónsdóttir, Ríkharður III. Sviðsetning: Borgarleikhúsið.



Leikari ársins í aðalhlutverki

Hjörtur Jóhann Jónsson, Ríkharður III. Sviðsetning: Borgarleikhúsið.



Leikari ársins í aukahlutverki

Stefán Hallur Stefánsson, Samþykki. Sviðsetning: Þjóðleikhúsið.



Leikkona ársins í aðalhlutverki

Sólveig Guðmundsdóttir, Rejúníon. Sviðsetning: Lakehouse í samstarfi við Tjarnarbíó.



Leikkona ársins í aukahlutverki

Vala Kristín Eiríksdóttir, Matthildur. Sviðsetning: Borgarleikhúsið.

Snorri Helgason og Friðgeir Einarsson í Club Romantica.Abendshow
Leikmynd ársins

Ilmur Stefánsdóttir, Ríkharður III. Sviðsetning: Borgarleikhúsið.



Búningar ársins

Filippía I. Elísdóttir, Ríkharður III. Sviðsetning: Borgarleikhúsið.



Lýsing ársins

Björn Bergsteinn Guðmundsson, Ríkharður III. Sviðsetning: Borgarleikhúsið.



Tónlist ársins

Daníel Bjarnason, Brothers. Sviðsetning: Íslenska Óperan í samstarfi við Listahátíð í Reykjavík.



Hljóðmynd ársins

Karl Olgeirsson, Aron Þór Arnarson og leikmunadeild Þjóðleikhússins, Einræðisherrann. Sviðsetning: Þjóðleikhúsið.



Söngvari ársins 

Herdís Anna Jónasdóttir, La Traviata. Sviðsetning: Íslenska óperan.



Dans- og sviðshreyfingar ársins

Lee Proud, Matthildur. Sviðsetning: Borgarleikhúsið.

Salka Sól í hlutverki Ronju ræningjadóttur.Þjóðleikhúsið
Barnasýning ársins

Ronja ræningjadóttir eftir Astrid Lindgren. Sviðsetning: Þjóðleikhúsið.



Dansari ársins

Bára Sigfúsdóttir, The Lover. Sviðsetning: Bára Sigfúsdóttur og GRIP í samstarfi við Listahátíð í Reykjavík.



Danshöfundur ársins 

Bára Sigfúsdóttir, The Lover. Sviðsetning: Bára Sigfúsdóttur og GRIP í samstarfi við Listahátíð í Reykjavík.



Útvarpsverk ársins

**SOL** eftir Hilmi Jensson og Tryggva Gunnarsson. Leikstjórn: Hilmir Jensson og Tryggvi Gunnarsson. Í sviðsetningu Útvarpsleikhússins – RÚV í samstarfi við Sóma þjóðar.



Sproti ársins

Matthías Tryggvi Haraldsson

Tengd skjöl


Tengdar fréttir




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.