Fyrsta stikla myndarinnar Terminator: Dark Fate hefur verið birt. Sú mynd gerist á eftir Terminator 2: Judgement Day og er þetta þriðja tilraunin til að endurræsa kvikmyndaseríuna vinsælu og er kannski hægt að segja að þessi þurrki þrjár myndir úr tímalínunni, þar sem þetta er sjötta Terminator-myndin.



Hunter, lag tónlistarkonunnar Bjarkar Guðmundsson, er notað í stiklunni.



Linda Hamilton er mætt aftur í hlutverki Söruh Connor. Það er óhætt að segja að hún hafi engu gleymt en Tortímandanum sjálfum, Arnold Schwarzenegger bregður einnig fyrir í stiklunni, sem er undarlegt, þar sem hann bræddi sjálfan sig í Judgement Day. Mögulega spilar tímaflakk þar inn í.



Auk hans sjást tveir tortímandar til viðbótar. Gabriel Luna leikur einn sem virðist vera vondur. Hann getur búið til ný eintök af sjálfum sér. Hinn er leikinn af Mackenzie Davis. Hún virðist standa í því að vernda unga stúlku sem leikin er af Natalia Reyes gegn Luna.



Þrátt fyrir að vera rúmar tvær mínútur að lengd gefur stiklan lítið sem ekkert upp. Hvar er John Connor til dæmis? Skynet virðist heldur ekki hafa unnið stríðið gegn mannkyninu á þessum tímapunkti.



Tim Miller leikstýrir Dark Fate og er áætlað að hún verði frumsýnd í október.