Messan: Klopp gerði rétt í að skamma Henderson

Liverpool gerði markalaust jafntefli við Manchester United á Old Trafford í gær. Sérfræðingar Messunnar á Stöð 2 Sport ræddu Jordan Henderson í leiknum.

„Ég er enginn sérstakur aðdáandi Henderson,“ sagði Ríkharður Daðason.

Henderson tók ekki í hendurnar á mönnum vegna pirrings þegar honum var skipt út af og var Jurgen Klopp ekki sáttur með fyrirliðann sinn.

„Þarna finnst mér Klopp gera hárrétt. Mér er alveg sama hvort þú ert fyrirliði liðsins, ég ræð og ég tek þig út af þá þakkar þú fyrir leikinn,“ sagði Ríkharður.