Sá í sjónvarpinu að boltinn fór „kannski af hendinni“

Sergio Aguero skoraði öll þrjú mörk Manchester City í 3-1 sigrinum gegn Arsenal í gærkvöldi en þriðja markið þótti umdeilt.

Bernd Leno, markvörður Arsenal, sló fyrirgjöf Raheem Sterling í Aguero og boltinn fór þaðan yfir línua en leikmenn Arsenal vildu fá hendi á Aguero.

„Í hreinskilni sagt hélt ég að þetta hafi farið af bringunni en núna sé ég í sjónvarpinu að þetta var kannski hendi,“ sagði Aguero í viðtali við Sky Sports í leikslok.

Með þrennunni í gær er Aguero einungis einni þrennu frá Alan Shearer en enski framherjinn gerði ellefu þrennur í úrvalsdeildinni. Aguero er nú búinn að skora tíu.

„Það er frábært að vera búinn að skora tíu þrennur en það er mikilvægara að vinna, þrátt fyrir að ég er auðvitað ánægður með að skora. Það er mikilvægt að skora snemma því síðast skoraði ég eftir 25 sekúndur og við töpuðum en nú unnum við.“

„Það er mikilvæg að skora og vinna. Það er mikilvægt að berjast í hverjum einasta leik. Núna verðum við að hugsa um Everton á miðvikudaginn því það verður erfiður leikur,“ sagði Argentínumaðurinn.