Robertson framlengdi til fimm ára

Skoski varnarmaðurinn Andy Robertson skrifaði í dag undir framlengingu á langtímasamningi sínum við Liverpool.

Robertson hefur verið frábær það sem af er tímabili og er lykilmaður í toppliði Liverpool sem hefur aðeins fengið á sig 10 mörk í 22 deildarleikjum.

Liverpool hefur nú tryggt sér krafta Robertson til ársins 2024.

Hinn 24 ára Robertson kom til Liverpool sumarið 2017 frá Hull. Hann kostaði félagið í kringum átta milljónir punda og hefur farið langt fram úr þeim verðmiða á einu og hálfu ári.

„Um leið og félagið kom til mín þá var ég tilbúinn að skrifa undir. Ég vil vera hér áfram og það var skrifað undir um leið og það kom tilboð á borðið,“ sagði sá skoski við heimasíðu Liverpool.

@andrewrobertso5 has committed his future to the Reds.

— Liverpool FC (@LFC) January 17, 2019

A very easy decision for me, delighted to sign a new contract with this great club! Thank you for all your messages, much appreciated#YNWApic.twitter.com/UO1LHYvigy

— Andrew Robertson (@andrewrobertso5) January 17, 2019