Özil ætlar ekki á lán

Mesut Özil ætlar ekki að fara á lán í janúar og mun hafna öllum tilboðum til þess að berjast fyrir sæti sínu hjá Arsenal.

ESPN greinir frá þessu í dag en áður höfðu borist sögusagnir af því að Arsenal hyggðist senda Özil á lán því hann er ekki inni í plönum knattspyrnustjórans Unai Emery.

Özil hefur verið inn og út úr Arsenal liðinu í vetur, bæði vegna meiðsla og af „taktískum ástæðum“ að sögn Emery.

Arsenal byrjaði tímabilið vel undir Emery og fór 22 leiki án þess að tapa en hefur átt erfitt síðustu vikur, aðeins unnið tvo af síðustu sex leikjum sínum í öllum keppnum.