Southgate valinn þjálfari ársins í Bretlandi

Gareth Southgate, landsliðsþjálfari Englands í fótbolta var valinn þjálfari ársins í Bretlandi í gærkvöldi.



Árið 2018 var ljómandi gott fyrir enska landsliðið, eitthvað það besta í fjölda ára.



Landsliðið gerði góða hluti á heimsmeistaramótinu í Rússlandi síðastliðið sumar og komst alla leið í undanúrslitin.



Þar töpuðu þeir gegn Króötum, og enduðu þeir svo á að tapa gegn Belgum í leiknum um bronsið.



Gott gengi Englands hélt svo áfram í Þjóðadeild UEFA þar sem þeir unnu riðil sinn, sem innihélt Spán og Króata, og leika þeir því í undanúrslitum um Þjóðadeildarbikarinn.



Í undanúrslitunum mæta þeir Hollendingum.



„Ég er ótrúlega stoltur að fá þessi verðlaun. Ef þú vinnur sem þjálfari, þá þýðir það leikmennirnir eru að gera eitthvað rétt,“ sagði Southgate.