Mourinho hugsaði aldrei um að setja Pogba inn á

Manchester United tapaði fyrir erkifjendunum í Liverpool á Anfield í gær. Frammistaða United í leiknum þótti ein sú versta sem sést hefur í leikjum þessara liða en Jose Mourinho segist aldrei hafa hugsað um að setja Paul Pogba inn á.

Pogba, sem varð heimsmeistari með Frökkum í sumar og var dýrasti leikmaður heims þegar United keypti hann sumarið 2016, sat allan tímann á varamannabekknum.

Eftir leikinn var Mourinho spurður út í það hvort hann hefði ekki íhugað að setja Pogba í liðið var svarið einfalt. „Nei.“

„Því ég er ánægður með Matic, Lingard og Herrera,“ bætti hann svo við.

Nemanja Matic fékk mikla gagnrýni fyrir sína frammistöðu og átti í miklum erfiðleikum inni á miðsvæðinu.

United er nú komið 11 stigum á eftir Chelsea í fjórða sætinu en Mourinho telur liðið enn geta náð að enda tímabilið í fjórða sæti.