Sjáðu stemninguna í Kop-stúkunni þegar Liverpool skoraði sigurmarkið í gær

Liverpool vann mjög dramatískan 1-0 sigur á nágrönnum sínum í Everton á Anfield í gær en eina mark leiksins kom ekki fyrr en á sjöttu mínútu í uppbótartíma.

Margir stuðningsmenn Liverpool voru orðnir mjög pirraðir eftir 96 árangurslausar mínútur í leik þar sem ekkert nema þrjú stig dugði ætlaði liðið að hanga í toppliði Manchester City.

Það mátti vel greina þennan pirring í The Kop stúkunni á lokaandatökum leiksins en stuðningsmaður Liverpool hefur nú gert opinbert magnað myndband sem var tekið ofarlega í Kop-stúkunni á síðustu sekúndum leiksins.

Það er hægt að sjá þetta myndband hér fyrir neðan. Þar fer ekkert á milli mála að það var svakaleg stemning í Kop-stúkunni þegar Divock Origi skoraði sigurmarkið.

'The daftest Derby goal of all time! And it's won the day for Liverpool! The place has gone berserk!'

Here's Divock Origi's Derby winner from The Kop.

More Post-Match Content - https://t.co/fg7T6PTpnHpic.twitter.com/oEhTkdBQqa

— The Redmen TV (@TheRedmenTV) December 2, 2018

Það er óhætt að segja að allir stuðningsmenn Liverpool hefðu viljað vera í Kop-stúkunni á þessum tímapunkti en geta nú upplifað þessa stund í gegn þessa magnaða myndband.

Mikilvægi marksins er líka óumdeilanlegt en þetta var fyrsti leikur Divock Origi í ensku úrvalsdeildinni síðan í ágúst 2017. Það eykur á dramatíkina að hann hafði áður klikkað í dauðafæri og að hann fékk þetta mark á silfurfati frá Jordan Pickford, markverði Everton.

Í stað þess að vera fjórum stigum á eftir Manchester City munar nú aðeins tveimur stigum á eftstu tveimur liðum ensku úrvalsdeildarinnar. Liverpool er með 36 stig og 22 mörk í plús en City-liðið er með 38 stig og 37 mörk í plús.

Liverpool er síðan fimm stigum á undan Chelsea sem er í þriðja sætinu einu stigi á undan nágrönnum sínum í Arsenal. Tottenham er með jafnmörg stig og Arsenal en lakari markatölu.